‘శ్రీకారం’ ఫస్ట్ సింగిల్.. ‘భలేగుంది బాల’ కు అదిరిపోయే రెస్పాన్స్..!

శ‌ర్వానంద్‌ హీరోగా కిశోర్ బి డైరెక్షన్లో తెరకెక్కిన ‘శ్రీకారం’ చిత్రం నిజానికి సమ్మర్లోనే విడుదల కావాల్సి ఉంది. కానీ కరోనా లాక్ డౌన్ వల్ల సాధ్యం కాలేదు. తరువాత ఈ చిత్రాన్ని ఓటిటిలో విడుదల కాబోతుంది అంటూ కొన్నాళ్ళ పాటు ప్రచారం జరిగింది. కానీ చిన్న షెడ్యూల్ బ్యాలన్స్ ఉండడంతో ఓటిటిలో కూడా ఈ చిత్రం విడుదల కాలేదు. దాంతో ఈ చిత్రం గురించి చాలా వరకూ ప్రేక్షకులు మరిచిపోయారనే చెప్పాలి.

అయితే నిన్న విడుదల చేసిన ఫస్ట్ సింగిల్ ‘భలేగుంది బాల’ తో ‘శ్రీకారం’ సినిమా పై అంచనాలు అమాంతం పెరిగిపోయాయి. ఈ పాట ఇప్పుడు యూట్యూబ్ లో సెన్సేషన్ క్రియేట్ చేస్తుంది. 24 గంటలోపే 1 మిలియన్ వ్యూస్ ను సాధించి రికార్డు సృష్టించింది. నాని నటించిన ‘కృష్ణార్జున యుద్ధం’ సినిమాలో ‘దారి చూడు దమ్ము చూడు..’ అంటూ అదిరిపోయే పాటను రాసి… పాడిన పెంచల్‌ దాస్‌.. ఈ ‘భలేగుంది బాల’ పాటను కూడా అందించాడు.

మాస్ కు చేరువయ్యే రీతిలో ఈ పాట ఉంది అనడంలో సందేహం లేదు.సంగీత దర్శకుడు మిక్కీ.జె.మేయర్ అందించిన ట్యూన్స్ నెక్స్ట్ లెవెల్లో ఉన్నాయి. ఇక ఈ చిత్రంలో హీరోయిన్ గా ప్రియాంక అరుళ్ మోహ‌న్ నటిస్తుండగా…రావు రమేష్, నరేష్, ఆమని తదితరులు ముఖ్య పాత్రల్లో కనిపించబోతున్నారు. ’14 రీల్స్ ప్ల‌స్’ బ్యాన‌ర్‌పై రామ్ ఆచంట‌, గోపి ఆచంట ఈ చిత్రాన్ని నిర్మిస్తున్నారు.

ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!