కొన్ని వార్తలు, పుకార్లు వినడానికి మనకు మంచి ఆసక్తికరంగా ఉంటాయి. జరిగితే బాగుండు, ఎందుకు జరగడం లేదు, అసలు జరగాల్సింది అనిపిస్తుంటాయి. అలాంటి వాటిలో పవన్‌ కల్యాణ్‌ – లోకేశ్‌ కనగరాజ్‌ కాంబినేషన్‌ ఒకటి. పవన్‌ క్రేజ్‌కి, లోకేశ్‌ కనగరాజ్‌ కథ – టేకింగ్‌ కలిస్తే అదిరిపోతుంది అనేది అభిమానుల మాట. దీంతో ఈ పుకారు రాగానే అందరూ హ్యాపీ. కానీ ఇది నిజమేనా? ఇలా జరుగుతుందా? అనే చర్చ మాత్రం రేగింది. అయితే తాజాగా దీనిపై క్లారిటీ వచ్చింది. అదే ఈ ప్రాజెక్ట్‌ అంత ఈజీ కాదని.
లోకేశ్‌ సినిమాటిక్ యూనివర్స్‌.. ముద్దుగా ఎల్‌సీయూ. ఇందులోకి పవన్‌ కల్యాణ్‌ వస్తున్నాడని గత కొద్ది రోజులుగా పుకార్లు షికార్లు కొట్టాయి. దీంతో పవన్‌ను లోకేశ్‌ ఎలాంటి లుక్‌లో చూపిస్తాడు, ఎలాంటి కథ సిద్ధం చేస్తాడు అంటూ లెక్కలేసుకున్నారు. కానీ ఆ కలయిక ఇంత త్వరగా సాధ్యం కాదు అని అంటున్నారు. ఆ మాటకొస్తే అలాంటి చర్చ ఏదీ జరగలేదు అని కూడా అంటున్నారు. పుకార్లలో అంటున్నట్లు సన్ పిక్చర్స్ ఈ విషయంలో పవన్‌తో మాట్లాడేశారు అనేది నిజం కాదట.
ప్రస్తుతం పవన్‌ కల్యాణ్‌ (Pawan Kalyan) ఏ కొత్త సినిమా కూడా ఒప్పుకోలేదని సమాచారం. ఎందుకంటే ఇప్పుడు పవన్‌ చేతిలో నాలుగు సినిమాలున్నాయి. వాటిని వచ్చే ఏపీ ఎన్నికల్లోపు పూర్తి చేయడం ఆయన పని. దీని కోసం ఇటు రాజకీయాలు, అటు సినిమాలను బ్యాలెన్స్‌ చేస్తూ పని చేస్తున్నారు. ఇలాంటి సమయంలో వేరే సినిమా స్టార్ట్‌ చేసి ఇబ్బంది పడతారు అనుకోవడం లేదు అని సన్నిహితులు చెబుతున్నారు. ఒకవేళ చేసినా ‘బ్రో’ తరహా పాత్రలు చేయొచ్చు.
లోకేశ్‌ కనగరాజ్‌ సినిమాలన్నీ ఒక విధంగా ఉంటాయి. చిన్న చిన్న షెడ్యూల్స్‌లో తేలవు అంటుంటారు. ఇవన్నీ కలుపుకుని ఆయన సినిమా ఇప్పుడు పవన్‌తో కష్టం అని చెప్పొచ్చు. దీంతో ఇదే క్లారిటీ ఆయన సన్నిహితుల నుండి వస్తోంది. అయితే ఈ మాట అభిమానులకు ఏమాత్రం రుచించనిదే. కానీ అంగీకరించకతప్పదు.
మేమ్ ఫేమస్ సినిమా రివ్యూ & రేటింగ్!
సత్తిగాని రెండెకరాలు సినిమా రివ్యూ & రేటింగ్!
మళ్ళీ పెళ్లి సినిమా రివ్యూ & రేటింగ్!
‘డాడీ’ తో పాటు చిరు – శరత్ కుమార్ కలిసి నటించిన సినిమాల లిస్ట్..!
Home