Ajith: ఇకపై తనను అలా పిలవొద్దంటున్న అజిత్!

తమిళ స్టార్ హీరో అజిత్ కుమార్ కు ఉన్న క్రేజ్ గురించి ప్రత్యేకంగా చెప్పనక్కర్లేదు. కోలీవుడ్ లోనే కాకుండా.. తెలుగులో కూడా ఆయనకు ఫ్యాన్ ఫాలోయింగ్ ఎక్కువే. ఓ పక్క మాస్ సినిమాల్లో నటిస్తూ.. మరోపక్క కాంటెస్ట్న్ ఓరియెంటెడ్ సినిమాలు చేస్తూ.. తనకంటూ ప్రత్యేక గుర్తింపు తెచ్చుకున్నారు. ఇక అజిత్ ను అభిమానులు ముద్దుగా ‘తల’ అని పిలుచుకుంటూ ఉంటారు. ఆయన పేరు ఎక్కడైనా రాసినప్పుడు కూడా ముందు ‘తల’ అని సంభోదిస్తూ మొదలుపెడతారు.

‘తల’ అంటే లీడర్ అని అర్ధం. ఈ క్రమంలో తాజాగా అజిత్ తన అభిమానులను, మీడియా, పబ్లిక్ ను రిక్వెస్ట్ చేస్తూ ఓ ప్రకటనను విడుదల చేశారు. ఇకపై తనను తల అని పిలవొద్దని.. మీడియా, పబ్లిక్, ఫ్యాన్స్ ను కోరారు. ఈ మేరకు అజిత్ మేనేజర్ సురేష్ చంద్ర ట్విట్టర్ లో పోస్ట్ షేర్ చేశారు. అందులో ఏం రాసి ఉందంటే.. ”ఇకపై ఎవరూ కూడా నన్ను ‘తల’ అని పిలవడం కానీ రాయడం కానీ చేయొద్దు. నా పేరుకు ముందు ‘తల’ మాత్రమే కాదు మరే ఇతర బిరుదులను జోడించొద్దు.

నన్ను అజిత్, అజిత్ కుమార్ లేదా ఏకే అని మాత్రమే పిలవండి. మీ అందరూ మంచి ఆరోగ్యం, సంతోషం, విజయం, మనశ్శాంతి, సంతృప్తితో కూడిన అందమైన జీవితాన్ని గడపాలని కోరుకుంటున్నాను” అంటూ చెప్పుకొచ్చారు అజిత్.

నాగ చైతన్య రిజెక్ట్ చేసిన 10 సినిమాల్లో 3 బ్లాక్ బస్టర్లు…!

Most Recommended Video

టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?