Puri Jagannadh: మాస్‌ హీరోతో పూరి కొత్త సినిమా… కాంబో అయితే అదిరిపోద్ది!

‘లైగర్‌’ సినిమా పరాజయం పూరి జగన్నాథ్‌కు గట్టిగా తగలింది అని చెప్పొచ్చు. ఇప్పటివరకు ఆయన చూడని ఫ్లాప్‌లు, డిజాస్టర్‌లు లేవు కానీ.. ఎందుకో ‘లైగర్‌’ విషయంలో ఆయన చాలా నష్టపోయారు అని చెప్పొచ్చు. డబ్బు, పేరు, క్రేజ్‌, నమ్మకం.. ఇలా చాలా విషయాల్లో పూరి తగ్గారు అనే అంటారు. అయితే తర్వాతి సినిమాతో బలంగా పుంజుకుంటారు అని ఆయన ఫ్యాన్స్‌ ఎదురుచూస్తున్నారు. అయితే ఇప్పుడు ఆయన చేస్తారు అంటున్న సినిమాతో అది సాధ్యమవుతుందా?

అయినా ఇదేం ప్రశ్న.. పూరి నెక్స్ట్‌ సినిమా అయితే చిరంజీవి, లేదంటే బాలయ్యతో అంటున్నారు కదా అంటారా? అవును మీరు చెప్పింది కరెక్టే. అయితే ఇప్పుడు ఓకే అయ్యి, చేస్తారు అంటున్న కథ వారిద్దరిలో ఒకరితో కాదు. యువ హీరో విశ్వక్‌ సేన్‌తో పూరి నెక్స్ట్‌ సినిమా అంటున్నారు. ఈ మేరకు చర్చలు పూర్తయ్యాయకట. త్వరలోనే సినిమాను అనౌన్స్‌ చేస్తారు అని సమాచారం. అంతేకాదు ఆగస్టులోనే సినిమా ప్రారంభం అని అంటున్నారు.

‘లైగ‌ర్‌’ పరాజయం తర్వాత (Puri Jagannadh) పూరి – విజ‌య్‌ల ‘జ‌న‌గ‌ణ‌మ‌న’ ప్రాజెక్ట్ ఆగిపోయింది. ఇప్పుడు విశ్వ‌క్‌సేన్‌కి ఓ క‌థ చెప్పి ఒప్పించిన‌ట్టు తెలుస్తోంది. ఆయన బాడీ లాంగ్వేజ్‌కీ, పూరి స్టైల్‌కీ పర్‌ఫెక్ట్‌గా ఈ సినిమా సరిపోతుంది అని అంటున్నారు. పూరి హీరో అంటే ఎలా ఉండాలో.. అలాంటి లక్షణాలు ఆ పాత్రలో, విశ్వక్‌ సేన్‌ ఎనర్జీలో ఉంటాయి అంటున్నారు. మూడు నెల‌ల్లోపు పూర్తి స్క్రిప్ట్‌ రెడీ చేసుకుని సినిమా ప్రారంభిస్తారట.

అయితే ‘దాస్ కా ద‌మ్కీ’ ఫెయిల్‌ అయిన నేపథ్యంలో ఈ ప్రాజెక్ట్‌ బజ్‌ ఎంత అనేది ఇక్కడ ఆసక్తికరం. పెద్ద హీరోలతో అనుకుని, చిన్న హీరోలతో సినిమా చేయడం.. వాటితో విజయాలు సాధించడం పూరికి కొత్తేం కాదు. గతంలో చేసి చూపించారు. వాళ్లకు హిట్‌లు బాగా అవసరం అనుకున్న సమయంలో ఇచ్చి.. అదరగొట్టారు. మరిప్పుడు విశ్వక్‌ సేన్‌తో సినిమా పరిస్థితి ఏంటి అనేది చూడాలి. పూరి హీరో అని విశ్వక్‌ మార్క్‌ వేయించుకుంటే.. అతని ఫ్యాన్స్‌కి అంతకుమించి ఏం కావాలి.

శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!

బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!