నేచురల్ స్టార్ నాని టాలీవుడ్లో టైర్ 2 హీరోల్లో అంటే మిడ్ రేంజ్ హీరోల్లో నెంబర్ 1 పొజిషన్లో చలామణి అవుతున్నాడు. అయితే ఓ విషయంలో మాత్రం స్టార్ హీరోలతో సమానంగా ఇంకా చెప్పాలి అంటే కొంతమంది స్టార్ హీరోల కంటే కూడా టాప్ ప్లేస్ లో ఉన్నాడు అని చెప్పాలి. అదే ఓవర్సీస్ కలెక్షన్ల విషయంలో..! ఒకటి కాదు, రెండు కాదు.. నాని ఖాతాలో ఏకంగా 7… వన్ మిలియన్ మూవీస్ ఉన్నాయి.
నాని తాజా చిత్రం ‘అంటే సుందరానికీ!’ చిత్రం ఈరోజు కలెక్షన్లతో 1 మిలియన్ మార్క్ ను చేరుకుంది. ఈ చిత్రంతో 7వ సారి ఈ రేర్ ఫీట్ ను సాధించాడు నాని.అంతకు ముందు నాని నటించిన ‘ఈగ’ ‘భలే భలే మగాడివోయ్’ ‘నేను లోకల్’ ‘నిన్ను కోరి’ ‘ఎం.సి.ఎ’ ‘జెర్సీ’ వంటి సినిమాలు 1 మిలియన్ కొట్టాయి. దీంతో టాలీవుడ్ నుండీ ఎక్కువ 1 మిలియన్ డాలర్ల సినిమాలు అందించిన 3 వ హీరోగా నాని నిలిచాడు.
నాని కంటే ముందు మహేష్ బాబు 11 సినిమాలతో ఫస్ట్ ప్లేస్ లో ఉండగా.. రెండో ప్లేస్ లో ఎన్టీఆర్ 7 వన్ మిలియన్ డాలర్ల సినిమాలు అందించిన హీరోగా నిలిచాడు. ‘బాద్ షా’ ‘టెంపర్’ ‘నాన్నకు ప్రేమతో’ ‘జనతా గ్యారేజ్’ ‘జై లవ కుశ’ ‘అరవింద సమేత’ ‘ఆర్.ఆర్.ఆర్’ లతో కలిపి మొత్తంగా ఎన్టీఆర్ ఖాతాలో 7 మిలియన్ డాలర్ల మూవీస్ ఉన్నాయి. నాని ప్రస్తుతం ‘దసరా’ తో సహా పలు సినిమాల్లో నటిస్తున్నాడు.
ఎన్టీఆర్ కొరటాల సినిమా కంప్లీట్ చేయడానికి ఇంకో ఏడాది సమయం పట్టొచ్చు. ఈ గ్యాప్ లో నాని 3 సినిమాలు చేసే అవకాశం ఉంది. అందులో ఇంకో సినిమా కనుక 1 మిలియన్ కొడితే ఎన్టీఆర్ రికార్డ్ బద్దలు కొట్టినట్టే..! ఓవర్సీస్ లో మాత్రం టాలీవుడ్ స్టార్ హీరోలకి నాని ఏమాత్రం తీసిపోడు అనే చెప్పాలి.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
