ఎనర్జిటిక్ స్టార్ రామ్ తో కోలీవుడ్ స్టార్ డైరెక్టర్ లింగుస్వామి ఓ సినిమా చేయబోతున్న సంగతి తెలిసిందే. ఈ మూవీలో ‘ఉప్పెన’ బ్యూటీ కృతి శెట్టి హీరోయిన్ గా నటిస్తుంది. స్క్రిప్ట్ మొత్తం రెడీ అయిపోయింది.అతి త్వరలో దీనిని సెట్స్ పైకి తీసుకెళ్లేందుకు నిర్మాతలు సన్నాహాలు చేస్తున్నారు. అయితే ఈ ప్రాజెక్టుని ఎలాగైనా సరే ఆపెయ్యాలని కోలీవుడ్ నిర్మాత జ్ఞానవేల్ రాజా ప్రయత్నించారు. కానీ ఆయన ప్రయత్నాలు ఫలించలేదు. దర్శకుడు లింగుస్వామి, జ్ఞానవేల్ రాజా మధ్య మనస్పర్థలు ఉన్నాయి.
గతంలో జ్ఞానవేల్ రాజా నిర్మాణంలో సినిమా చేస్తానని కొంత డబ్బు తీసుకున్నారట దర్శకుడు లింగుస్వామి. కానీ ఆ మాట ప్రకారం సినిమా చేయలేదు.దాంతో లింగుస్వామి పై తెలుగు ఫిలిం ఛాంబర్లో పిటిషన్ దాఖలు చేసాడు జ్ఞానవేల్ రాజా. అయితే ఈ ఫిర్యాదుని లైట్ తీసుకున్నారు హీరో రామ్ మరియు దర్శకుడు లింగుస్వామి.జ్ఞానవేల్ రాజా ఫిర్యాదుని ‘మా’ కూడా పెద్దగా సీరియస్ గా తీసుకోలేదు.పైగా నిర్మాత జ్ఞానవేల్ రాజాకి తెలుగు సినిమా ప్రొడ్యూసర్ కౌన్సిల్ లేదా ఫిలిం ఛాంబర్లో సభ్యత్వం కూడా లేదు.
పైగా రామ్ కు అండగా అతని పెదనాన్న స్రవంతి రవికిశోర్ సపోర్ట్ కూడా ఉంది. కాబట్టి లింగుస్వామి ఫిర్యాదు ఇక్కడ ఫలించలేదు. ఈ మధ్యకాలంలో ఇలాంటి కంప్లైంట్ ల గురించి మనం వింటూనే ఉన్నాం. చరణ్- శంకర్ ల ప్రాజెక్టుని కూడా ‘లైకా’ వారు అడ్డుకోవడానికి కోర్టుకి వెళ్లిన సంగతి తెలిసిందే.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
