Hero Ram: హీరో రామ్ ప్లాన్ మామూలుగా లేదుగా..?

ఎనర్జిటిక్ స్టార్ రామ్ హీరోగా జయాపజయాలకు అతీతంగా సినిమా ఆఫర్లను సొంతం చేసుకుంటున్న సంగతి తెలిసిందే. ఈ ఏడాది రిలీజైన రెడ్ సినిమాతో మరో సక్సెస్ ను ఖాతాలో వేసుకున్న రామ్ లింగుస్వామి డైరెక్షన్ లో ఒక సినిమాకు గ్రీన్ సిగ్నల్ ఇచ్చారు. కోలీవుడ్ డైరెక్టర్ కు రామ్ గ్రీన్ సిగ్నల్ ఇవ్వడం వెనుక అసలు కారణం వేరే ఉందని సమాచారం. రామ్ ప్రస్తుతం పాన్ ఇండియా హీరోగా ఎదగడానికి కృషి చేస్తున్నారని తెలుస్తోంది.

రామ్ హీరోగా నటించిన రెడ్ సినిమా ఒకటి కంటే ఎక్కువ భాషల్లో రిలీజైన సంగతి తెలిసిందే. రీమేక్ సినిమా అయినప్పటికీ రెడ్ సినిమానే పాన్ ఇండియా మూవీలా రిలీజ్ చేసిన రామ్ భవిష్యత్తులో హీరోగా తెరకెక్కే సినిమాలను దక్షిణాది భాషల్లో రిలీజ్ చేయాలని భావిస్తున్నట్టు తెలుస్తోంది. లింగుస్వామి డైరెక్షన్ లో తెరకెక్కనున్న రామ్ సినిమా బైలింగ్వెల్ మూవీగా తెరకెక్కనుందని సమాచారం అందుతోంది. ఇస్మార్ట్ శంకర్ మూవీతో రామ్ కు మాస్ ఫ్యాన్ ఫాలోయింగ్ భారీగా పెరిగింది.

లింగుస్వామి సినిమాతో తమిళంలో సక్సెస్ అయితే ఆ తరువాత రామ్ బాలీవుడ్ ఇండస్ట్రీపై దృష్టి పెట్టనున్నారని తెలుస్తోంది. ఈ సినిమా తరువాత రామ్ చేయబోయే సినిమాలన్నీ పాన్ ఇండియా కథలే అని రామ్ కెరీర్ ను చక్కగా ప్లాన్ చేసుకుంటున్నారని సమాచారం. ఏఆర్ మురుగదాస్ డైరెక్షన్ లో రామ్ ఒక సినిమాలో నటించనున్నారని వార్తలు వస్తుండగా ఈ వార్తలో నిజానిజాలు తెలియాల్సి ఉంది. రామ్ భవిష్యత్తు సినిమాలను ఎంపిక చేసుకునే విధానాన్ని చూసి నెటిజన్లు సైతం అవాక్కవుతూ రామ్ ప్లాన్ మామూలుగా లేదంటూ కామెంట్లు చేస్తున్నారు.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!