మాస్ మహారాజా రవితేజ హీరోగా మారడానికి ఎన్నో ఏళ్లు పట్టింది. ఒకటి కాదు రెండు కాదు…ఎన్నో ఏళ్ల తరువాత ఆయన హీరోగా మారి భారీ హిట్స్ సాధించాడు. కరియర్ తొలినాళ్ళలో సూపర్ హిట్స్ సాధించిన ఈ హీరో ఆతరువాత వరుస ఫ్లాప్స్ తో కరియర్ ను మళ్ళీ ఇబ్బందుల్లోకి నెట్టుకున్నాడు. ఇదిలా ఉంటే కొన్నాళ్ళు వరుస ఫ్లాప్స్ పలకరించడంతో దాదాపుగా ఆయన పరిస్థితి అయిపోయింది అని అనుకున్నారు అంతా…కానీ ఇంతలో ‘బలుపు’ సినిమాతో మరోసారి పంజా విసిరాడు. అయితే మళ్లీ కలసి వచ్చింది అని అనుకున్న అదృష్టం మరోసారి ‘కిక్-2’రూపంలో వెక్కిరించింది. వెనువెంటనే ‘బెంగాల్ టైగర్’ కూడా డమాల్ అని అనడంతో దాదాపుగా మళ్లీ రవి పరిస్థితి కష్టంగా మారింది. ఇక ఆతరువాత దిల్ రాజు ప్రొడక్షన్ లో ఒక సినిమా చెయ్యాల్సి ఉండగా రెమ్యునిరేషన్ వద్ద నిర్మతకు, హీరోకు ఒప్పదం కుదరకపోవడంతో ఆ సినిమా వదిలేసాడు మన మాస్ మహా రాజా.
ఇదిలా ఉంటే తాజాగా మన హీరోగారు రాబిన్ హుడ్ అనే సినిమా చేస్తున్నాడు. ఆ సినిమాలో స్పెషల్ గా కనిపించాలి అన్న ఆలోచనతో ‘సిక్స్ ప్యాక్’లో కనిపించనున్నాడు. ఆలోచన బాగానే ఉంది కానీ….లేట్ వయసులో అలాంటి నిర్ణయం అవసరమా…అసలే ఈ సిక్స్ ప్యాక్ ను టాప్ యంగ్ హీరోల దగ్గర నుండి కొత్త హీరోల వరకు ఎందరో ట్రై చేసేసారు. అంతేకాకుండా ఇప్పుడున్న పరిస్థితుల్లో వెరైటీ కథలు, రసవత్తర కథనాలతో వచ్చిన సినిమాలు విజయవంతం అవుతున్న నేపధ్యంలో ఈ విషయాలేమి పట్టించుకోకుండా ఇప్పటికే ఎందరో హీరోలు చూపించి వదిలేసిన సిక్స్ ప్యాక్ అనే పాత అవతారాన్ని మళ్ళీమళ్ళీ ప్రేక్షకులు బోర్ ఫీల్ అయ్యేలా చూపించేందుకు రవి ఎందుకు ఇంత కష్టపడుతున్నాడో అర్ధం కావడం లేదు. మరి ఈ అవతారం..తనకు ఎలాంటి అదృష్టాన్ని తెచ్చి పెడుతుందో చూద్దాం.
Home