హీరో శ్రీకాంత్,ఒకప్పటి హీరోయిన్ ఊహ ప్రేమించి పెళ్లి చేసుకున్న సంగతి తెలిసిందే. వీళ్ళిద్దరూ పలు సినిమాల్లో జంటగా నటించారు. ఆ క్రమంలోనే వీరి మధ్య ప్రేమ పుట్టడంతో పెళ్లి చేసుకున్నారు.1997 జనవరి 20 న వీరు పెళ్లి చేసుకున్నారు. ఈ దంపతులకు ముగ్గురు పిల్లలు ఉన్నారు. పెద్దబ్బాయి రోషన్ ఆల్రెడీ హీరోగా ఎంట్రీ ఇచ్చాడు. వీళ్లది హ్యాపీ ఫ్యామిలీ అని అంతా అంటుంటారు. అయితే 25 ఏళ్ళు హ్యాపీగా కలిసున్న శ్రీకాంత్- ఊహ దంపతులు ఇప్పుడు విడిపోతున్నట్టు కథనాలు పుట్టుకొచ్చాయి. ఇవి వైరల్ అవుతుండడంతో శ్రీకాంత్ స్పందించి.. తీవ్రంగా మండిపడ్డాడు.
శ్రీకాంత్ ఈ విషయం పై స్పందిస్తూ.. “ఇలాంటి బేస్ లెస్ రూమర్స్ ఎలా పుట్టిస్తున్నారు? ఎందుకు పుట్టిస్తున్నారో నాకు అర్ధం కావడం లేదు. గతంలో నేను చనిపోయానని ఓ పుకారు పుట్టించి నా కుటుంబ సభ్యులను తీవ్ర ఆందోళనకు గురి చేశారు. ఇప్పుడు మేము ఆర్థిక ఇబ్బందుల కారణంగా విడాకులు తీసుకుంటున్నాం అని న్యూసెన్స్ క్రియేట్ చేశారు. కొన్ని వెబ్సైట్స్ లో వచ్చిన ఈ ఫేక్ న్యూస్ లు నా ఫ్రెండ్స్ ఊహకు ఫార్వర్డ్ చేయడంతో ఆమె కంగారుపడుతూ ఆ పోస్టులు నాకు చూపించింది.
ప్రేక్షకులకు, నా స్నేహితులకు నేను చెబుతున్నది ఒక్కటే..! ఇలాంటి నిరాధారమైన వార్తలను నమ్మొద్దు…ఆందోళన పడవద్దు. నా భార్యకు కూడా ఇలాగే చెప్పి ఓదార్చాను . కొన్ని చిల్లర వెబ్సైట్స్, యూ ట్యూబ్ చానల్స్… చేసిన ఈ పని వల్ల ఈ రూమర్స్ బాగా స్ప్రెడ్ అయ్యాయి. బంధుమిత్రులందరూ ఫోన్ చేసి అడుగుతుంటే వివరణ ఇచ్చుకోవడం అనేది నాకు పెద్ద న్యూసెన్స్ అనిపిస్తుంది . ప్రస్తుతం నేనూ ఊహ నిన్న చెన్నై వచ్చి ఇక్కడి నుండి దైవ దర్శనానికి అరుణాచలం వెళ్తున్నాం.
ఇలాంటి టైంలో ఈ పుకారు మా కుటుంబానికి చాలా చిరాకు తెప్పిస్తుంది. ఇది ఇంకా ఇంకా స్ప్రెడ్ అవ్వకుండా ఉండాలని నేను నేరుగా ఈ విషయం పై స్పందిస్తున్నాను. నా మీదనే కాకుండా చాలామంది ప్రముఖుల మీద ఇలాంటి బేస్ లెస్ రూమర్స్ స్ప్రెడ్ చేస్తున్న వెబ్సైట్స్, యూట్యూబ్ ఛానల్స్ పై సైబర్ క్రైమ్ డిపార్ట్మెంట్ వారు కఠిన చర్యలు తీసుకోవాలని నేను మనస్ఫూర్తిగా కోరుకుంటున్నాను ” అంటూ తీవ్రంగా మండిపడుతూ చెప్పుకొచ్చాడు.
ఆహ నా పెళ్లంట వెబ్ సిరీస్ రివ్యూ& రేటింగ్!
గాలోడు సినిమా రివ్యూ & రేటింగ్!
మసూద సినిమా రివ్యూ & రేటింగ్!
సూపర్ స్టార్ కృష్ణ ట్రెండ్ సెట్టర్ అనడానికి 10 కారణాలు!
Home
