Vijay Antony: మొహం పగిలిపోయి.. పళ్ళు విరిగిపోయి.., దారుణమైన పరిస్థితుల్లో ‘బిచ్చగాడు’ హీరో

రెండు రోజుల క్రితం సంగీత దర్శకుడు కమ్ హీరో అయిన విజయ్ ఆంటోని.. ప్రమాదానికి గురైన సంగతి తెలిసిందే. అతని తర్వాతి చిత్రం ‘పిచైకారన్ 2’ షూటింగ్ మలేషియాలో జరుగుతుండగా.. అక్కడ విజయ్ కు ఈ ప్రమాదం చోటు చేసుకుంది. వాటర్ బోట్ లో ప్రయాణిస్తుండగా.. సడెన్ గా ఆ బోట్ కెమెరా ఉన్న మరో పడవలోకి దూసుకెళ్ళిందట. అందువల్ల అతను తీవ్రంగా గాయపడినట్లు తెలుస్తుంది. ఈ క్రమంలో సిబ్బంది అంబులెన్స్ కు ఫోన్ చేసి..

అతన్ని హాస్పిటల్ లో అడ్మిట్ చేశారు. కౌలాలంపూర్లోని ఓ ప్రైవేటు ఆసుపత్రిలో విజయ్ చికిత్స పొందుతున్నారు. అయితే అతని పరిస్థితి ప్రస్తుతం విషమంగా ఉన్నట్లు ఇన్సైడ్ టాక్. అంతేకాదు అతనికి సర్జెరీ కూడా జరిగిందని వినికిడి. జరిగిన ప్రమాదంలో విజయ్ ఆంటోని ముఖానికి తీవ్ర గాయాలయ్యాయట. అతని పెదవి పగిలిపోవడమే కాదు, పళ్లు విరిగిపోయాయని సమాచారం.మరీ ముఖ్యంగా నోటి కింద భాగం బాగా దెబ్బతినడంతో విజయ్ ఆంటోనీకి సర్జరీ చేయాల్సి ఉంటుందని డాక్టర్లు చెప్పారట.

అందుకోసం విజయ్ ఆంటోని కుటుంబం నిన్న కౌలాలంపూర్ వెళ్లినట్టు సమాచారం. అంతేకాదు అతన్ని ఈరోజు రాత్రికి చెన్నైకి షిఫ్ట్ చేస్తారని కూడా తెలుస్తుంది. చెన్నైలో ఉన్న ఓ ఫేమస్ హాస్పిటల్ లో విజయ్ ఆంటోనికి సర్జెరీ నిర్వహిస్తారట. విజయ్ ఆంటోని యాక్సిడెంట్ చెన్నై మీడియా వర్గాల్లో హాట్ టాపిక్ అయ్యింది. ‘నకిలీ’ ‘డాక్టర్ సలీం’ వంటి చిత్రాలతో తెలుగు ప్రేక్షకులకు దగ్గరయ్యాడు విజయ్ ఆంటోని.’బిచ్చగాడు’ చిత్రంతో మంచి మార్కెట్ ను కూడా ఏర్పరుచుకున్నాడు.

అంతకంటే ముందు తెలుగులో ఇతను మ్యూజిక్ డైరెక్టర్ గా కూడా పనిచేశాడు.బహుశా ఈ విషయం ఎక్కువ మందికి తెలిసుండదు. కృష్ణవంశీ దర్శకత్వంలో శ్రీకాంత్ హీరోగా .. అతని 100వ చిత్రంగా తెరకెక్కిన ‘మహాత్మ’ కి ఇతనే సంగీత దర్శకుడు. అటు తర్వాత రవితేజ హీరోగా ‘సిరుతై’ శివ దర్శకత్వంలో తెరకెక్కిన ‘దరువు’ చిత్రానికి కూడా ఇతను సంగీతం అందించాడు. ఈ రెండు సినిమాల్లోని పాటలు చాలా బాగుంటాయి. ఇక విజయ్ యాక్సిడెంట్ గురించి తెలిసిన టాలీవుడ్ ప్రేక్షకులు అతను త్వరగా కోలుకోవాలని ప్రార్థిస్తున్నారు.

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?