కథానాయకుడు విశాల్‌ పెళ్లి గురించి గత కొద్ది రోజులుగా సోషల్‌ మీడియా వర్గాల్లో చర్చ నడుస్తోంది. తొలుత కోడంబాక్కం వర్గాల్లో మొదలైన ఈ చర్చ ఆ తర్వాత సోషల్‌ మీడియాలోకి, ఆ తర్వాత మీడియాలోకి వచ్చింది. అయితే దీనిపై ఆయన స్పందించలేదు కానీ.. ఆయన పెళ్లి చేసుకుంటున్నారు అంటున్న నాయిక చెప్పింది. తాజాగా విశాల్‌ దీనిపై క్లారిటీ ఇచ్చే ప్రయత్నం చేశారు. అయితే ‘ఏం చెప్పారు సర్‌’ అంటూ ఫ్యాన్స్‌ తల గోక్కోవాల్సిన పరిస్థితి కల్పించారు.
ఏ సినిమా ఈవెంట్‌లోనూ జరగని విధంగా.. ‘లాఠీ’ సినిమా ఈవెంట్‌లో ఓ చిన్నపాటి ప్రహసనం జరిగింది అని చెప్పాలి. విశాల్‌ మాట్లాడటం పూర్తవుతున్న సమయంలో ఈవెంట్‌ హోస్ట్‌ వచ్చి.. ‘ఫలానా అమ్మాయితో మీ పెళ్లి అంటూ వార్తలొస్తున్నాయి. దీనిపై మీరేమంటారు?’ అని ప్రశ్నించింది. మామూలుగా అయితే ఇలాంటి ప్రశ్నలను హోస్ట్‌ నుండి ఎవరూ ఎక్స్‌పెక్ట్‌ చేయరు. నిజానికి ఎవరూ అలా అడగరు కూడా. అయితే ఎవరు (?) అడిగించారో కానీ.. ఆమె అడిగేశారు.
అప్పుడు విశాల్‌ చెప్పిన సమాధానంలో క్లారిటీ ఉన్నట్లు అనిపించింది కానీ.. ఏ మాత్రం క్లారిటీ లేదనే చెప్పాలి. ‘అభినయతో మీ పెళ్లి అంటూ అభిమానులు అంటున్నారు’ అని యాంకర్‌ విశాల్‌ను అడగగ్గా.. దానికి ఆయన ‘ప్రతి దానికీ ఓ సమయం ఉంటుంది. నేను ఇచ్చిన మాట నెరవేర్చాలి. సౌత్‌ ఇండియన్‌ ఆర్టిస్ట్‌ బిల్డింగ్‌ పూర్తయిన వెంటనే నా పెళ్లి ఉంటుంది. 3,500 మంది థియేటర్‌ ఆర్టిస్ట్‌లు ఇంకా చిరిగిన బట్టలు, మేకప్‌ లేకుండానే నాటకాలు వేస్తున్నారు. 35 ఏళ్లనాడు ఎలా ఉన్నారో ఇప్పటికీ అలానే ఉన్నారు’’ పరిస్థితి గురించి చెప్పారు.
ఆ తర్వాత ‘‘ఆ థియేటర్‌ ఆర్టిస్ట్‌లు బాగుండాలనే వారికి భవనం కట్టించి, పించను ఇప్పించాలి, వారికి ఇతర సదుపాయాలు కల్పించి జీవన విధానాన్ని మార్చాలనుకున్నాం. ఆ ఆశయం నెరవేరకుండా పెళ్లి చేసుకోవాలనే ఆలోచన లేదు’’ అని క్లారిటీ లాంటిది ఒకటి ఇచ్చాడు విశాల్‌. అయితే సోషల్‌ మీడియాలో వస్తున్న వివరాల ప్రకారం నటి అభినయతో పెళ్లి ఉంటుందా? లేక ఆమె చెప్పినట్లు ఉండదా అనేది మాత్రం చెప్పలేదు. ఆఖరిగా ‘‘నా వివాహాం ఎప్పుడో అందరికీ చెబుతా.. అప్పుడు మీరు తప్పకుండా రావాలి’’ అని ఆహ్వానం ఇచ్చాడు విశాల్‌.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
