కొత్త సినిమా స్టార్ట అయ్యింది అంటే చాలు.. హీరోయిన్ ఎవరు అనే ఆసక్తి మొదలవుతుంది. మామూలు సినిమాలకు ఇలాంటిది ఆసక్తికరం కాకపోవచ్చు కానీ.. స్టార్ హీరోల సినిమాలకు అయితే చాలా ఆసక్తికరం. ఎందుకంటే మా అభిమాన హీరో సరసన ఎవరు నటిస్తారు అనే ఆసక్తితో అభిమానులు చూస్తూ ఉంటారు. ఇప్పుడు అలాంటి పరిస్థితి ప్రస్తుతం ఎదుర్కొంటున్న అభిమానులు పవన్ ఫ్యాన్స్. ఎందుకంటే పవన్ నుండి రెండు సినిమాలు అనౌన్స్ అయ్యాయి ఇటీవల. దీంతో ఇద్దరు హీరోయిన్లు కావాలని వెతుకుతున్నారు.
‘ఉస్తాద్ భగత్ సింగ్’ అంటూ ఇటీవల ఓ సినిమాను అనౌన్స్ చేశారు. మైత్రీ మూవీ మేకర్స్ బ్యానర్లో హరీశ్ శంకర్ దర్శకత్వంలో ఈ సినిమా రూపొందుతోంది. ఈ సినిమాను తొలుత ‘భవదీయుడు భగత్ సింగ్’ అని అనౌన్స్ చేశారు. అయితే ఇప్పుడు వేరే కథతో మిక్స్ అయ్యి.. ‘ఉస్తాద్ భగత్ సింగ్’ అని మార్చారు. దీంతో ఇప్పుడు ఈ సినిమాలో హీరోయిన్ కూడా మారబోతోంది అంటున్నారు. తొలుత అనుకున్నట్లు పూజా హెగ్డే డేట్స్ కుదరడం లేదని, వేరే నాయికను వెతుకుతున్నారని సమాచారం.
త్వరలోనే దీనిపై క్లారిటీ వస్తుంది అంటున్నారు. ఇక ‘OG ఒరిజినల్ గ్యాంగ్స్టర్’ అంటూ మరో సినిమాను అనౌన్స్ చేశాడు పవన్. సుజీత్ దర్శకత్వంలో డీవీవీ దానయ్య నిర్మాణంలో ఈ సినిమా రూపొందనుంది. ఈ సినిమా కోసం ఓ బాలీవుడ్ హీరోయిన్ను తీసుకుంటారని చెబుతున్నారు. ఈ సినిమాను పాన్ ఇండియా లెవల్లో రూపొందించాలనే టీమ్ ఆలోచన.
దీంతో బాలీవుడ్ నాయిక అయితే క్రేజ్ బాగుంటుందనేది టీమ్ ఆలోచనట. ప్రస్తుతం దర్శకుడు సుజీత్ అండ్ టీమ్ ఇదే పనిలో ఉన్నారట. ప్రస్తుతం పవన్ కల్యాణ్ ‘హరి హర వీరమల్లు’ సినిమాను పూర్తి చేసే పనిలో ఉన్నారు. ఈ సినిమా పూర్తయ్యాకే మిగిలిన సినిమాలు షురూ అని అనుకున్నారు కానీ.. ఇప్పుడు ‘హరి హర వీరమల్లు’, ‘ఉస్తాద్ భగత్ సింగ్’ పేరలల్గా షూటింగ్ జరుపుకుంటాయని టాక్ నడుస్తోంది.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
