యష్ తో శంకర్ మూవీ : ’30 రోజుల్లో ప్రేమించటం ఎలా..?’ ట్రైలర్ వైరల్ : ‘ఆచార్య’ టీజర్ రిలీజ్ డేట్

January 21, 2021 / 08:09 PM ISTByFilmy Focus

Join Us

యష్ తో శంకర్ మూవీ : ’30 రోజుల్లో ప్రేమించటం ఎలా..?’ ట్రైలర్ వైరల్ : ‘ఆచార్య’ టీజర్ రిలీజ్ డేట్

‘కె.జి.ఎఫ్’ తో పాన్ ఇండియన్ స్టార్ గా ఎదిగాడు యష్. ఆయన నటించిన ‘కె.జి.ఎఫ్2’ విడుదలకు రెడీ అవుతుంది. ప్రశాంత్ నీల్ డైరెక్షన్లో తెరకెక్కిన ‘కె.జి.ఎఫ్2’ చిత్రం టీజర్ ఇటీవల యష్ పుట్టినరోజునాడు విడుదలయ్యి యూట్యూబ్లో సంచలనాలు సృష్టిస్తోంది. ఈ చిత్రం తరువాత యష్ నటించే సినిమాలు అన్నీ పాన్ ఇండియా స్థాయిలోనే విడుదల కాబోతున్నాయట. ఈ చిత్రం తరువాత పూరి జగన్నాథ్ డైరెక్షన్లో యష్ చిత్రం ఉంటుందని ప్రచారం జరుగుతుంది. దాంతో పాటు శంకర్ డైరెక్షన్లో కూడా యష్ ఓ చిత్రం చెయ్యడానికి రెడీ అవుతున్నాడట. ఇది ఒక వార్ మూవీ అని.. 4 ఏళ్ళ పాటు ఈ చిత్రం తెరకెక్కుతోందని తెలుస్తుంది.

ప్రదీప్, అమృతా అయ్యర్ జంటగా నటిస్తోన్న తాజా చిత్రం ’30 రోజుల్లో ప్రేమించటం ఎలా..?’. మున్నా డైరెక్షన్లో తెరకెక్కిన ఈ చిత్రం జనవరి 29న విడుదల కాబోతుంది. ప్రమోషన్లలో భాగంగా ఈరోజు ట్రైలర్ ను విడుదల చేశారు. ప్రస్తుతం ఆ టీజర్ నెట్టింట సందడి చేస్తోంది.

మెగాస్టార్ చిరంజీవి హీరోగా కొరటాల శివ దర్శకత్వంలో ‘ఆచార్య’ చిత్రం తెరకెక్కుతోన్న సంగతి తెలిసిందే. మెగాపవర్ స్టార్ రాంచరణ్ ఓ ముఖ్య పాత్ర పోషిస్తోన్న ఈ చిత్రంలో కాజల్ హీరోయిన్ గా నటిస్తుంది.మణిశర్మ సంగీత దర్శకుడు. కాగా ఈ చిత్రం టీజర్ ను జనవరి 26న రిపబ్లిక్ డే సందర్భంగా విడుదల చేయబోతున్నారట. దీనికి సంబంధించిన అధికారిక ప్రకటన రావాల్సి ఉంది.