మరోసారి చిట్టి బాబుతో జిగేలు రాణి : ప్రభాస్‌ ఫ్యాన్స్‌కు గుడ్ న్యూస్ అంటున్న అశ్విన్‌ : దిల్‌రాజ్‌- సూర్య-బోయపాటి రెడీ అంట

January 23, 2021 / 06:25 PM IST

Join Us

మరోసారి చిట్టి బాబుతో జిగేలు రాణి : ప్రభాస్‌ ఫ్యాన్స్‌కు గుడ్ న్యూస్ అంటున్న అశ్విన్‌ : దిల్‌రాజ్‌- సూర్య-బోయపాటి రెడీ అంట

మెగాస్టార్ చిరంజీవి – కొరటాల శివ కాంబినేషన్లో ‘ఆచార్య’ చిత్రం తెరకెక్కనున్న సంగతి తెలిసిందే. ఈ చిత్రంలో రామ్ చరణ్ కూడా 45నిమిషాల నిడివిగల సిద్ద అనే పాత్ర పోషించనున్నాడు. కాగా ఈ చిత్రంలో ఇతనికి జోడీగా పూజా హెగ్డే ను ఎంపిక చేసినట్టు తాజా సమాచారం.మొదట రష్మిక, కియారా అద్వానీ వంటి వారిని సంప్రదించినప్పటికీ.. ఫైనల్ గా పూజా హెగ్డే ను ఫిక్స్ చేశారట. గతంలో ‘రంగస్థలం’ చిత్రంలో చరణ్- పూజ లు జిగేలు రాణి పాటకు చిందేసిన సంగతి తెలిసిందే.

ప్రభాస్ హీరోగా మహానటి దర్శకుడు నాగ్‌ అశ్విన్ డైరెక్షన్లో ఓ సైన్స్ ఫిక్షన్‌ మూవీ తెరకెక్కనున్న సంగతి తెలిసిందే. అయితే గత కొద్దిరోజుల నుండీ ఈ ప్రాజెక్టుకి సంబంధించి ఎటువంటి అప్డేట్‌ రాలేదు.దాంతో ఈ ప్రాజెక్టు ఇప్పట్లో పట్టాలెక్కదు అంటూ ప్రచారం జరిగింది. అయితే జనవరి 29న కానీ ఫిబ్రవరి 26న కానీ కచ్చితంగా ఈ చిత్రానికి సంబంధించిన అప్డేట్‌ ఉంటుందని దర్శకుడు నాగ్ అశ్విన్ చెప్పుకొచ్చాడు. దీంతో ప్రభాస్ ఫ్యాన్స్ ఖుషీ అవుతున్నారు.

Crazy update on Prabhas Nag Ashwin movie1

‘ఆకాశం నీ హద్దురా’ చిత్రంతో హిట్టు కొట్టి తిరిగి ఫామ్లోకి వచ్చిన సూర్య.. ఇప్పుడు వరుస సినిమాలకు గ్రీన్ సిగ్నల్ ఇస్తున్నాడు.ఇదే క్రమంలో ఓ స్ట్రయిట్‌ తెలుగు సినిమాలో నటించేందుకు కూడా సన్నాహాలు చేస్తున్నాడు.టాలీవుడ్ మాస్‌ డైరెక్టర్‌ బోయపాటి శ్రీనుతో ఓ చిత్రం చెయ్యడానికి సూర్య రెడీ అవుతున్నాడట. సక్సెస్ ఫుల్ నిర్మాత దిల్‌ రాజు ఈ క్రేజీ ప్రాజెక్టుని నిర్మించబోతున్నట్టు సమాచారం.