డ్వేన్‌ జాన్సన్‌ అంటే కొంతమందికి తెలియొచ్చు కానీ, ది రాక్‌ అంటే చాలామందికి తెలుస్తుంది. WWEలో రాక్‌గా ఆయన చేసిన ఫైట్స్‌ ఒళ్లు గగుర్పొడిచేలా ఉంటాయి. అదంతా ఫేక్‌ కదా అనొచ్చు కానీ ఆయన బాడీ ఫేక్‌ కాదు కదా. ఆ కండలు తిరిగిన శరీరం చూస్తే… ఏం బాడీ బాసూ అది అని అనుకోక మానరు. నల్లని నాపరాయిగా బాడీ భలే సాలిడ్‌గా ఉంటుంది. అయితే అలాంటి వ్యక్తిని చిన్నతనంలో ఒకరు చూసి నువ్వు మగపిల్లాడివా, లేక ఆడపిల్లవా అని అడిగారంటే నమ్ముతారా?
రాక్‌ అంటే రెజ్లర్, యాక్టర్‌ మాత్రమే కాదు… ఫుట్‌బాల్‌ క్రీడాకారుడు కూడా. ఇప్పుడు రాక్‌ సాలిడ్‌ బాడీతో సూపర్‌గా ఉండొచ్చు కానీ. స్కూల్‌కి వెళ్లే రోజుల్లో చాలా సాఫ్ట్‌గా ఉండేవాడట. అందుకే చాలా మంది అతడిని రకరకాలుగా ఆటపట్టించేవారట. కొందరైతే తనను ఆడపిల్ల అనుకొని పొరబడేవారట. చిన్నతనంలో పాఠశాల బస్సులో ఎక్కిన ఒక అబ్బాయి, నా పక్కనే కూర్చోని… అలా చూస్తూ ఉన్నాడట. కాసేపటి తర్వాత ‘నువ్వు అమ్మాయివా? అబ్బాయివా?’ అని అడిగాడట. దీంతో జాన్సన్‌ షాక్ అయ్యాడట.
11 ఏళ్ల వయసు వచ్చేవరకు రాక్‌ మృదుస్వభావి అట. అతని జుట్టు…అమ్మాయి జుట్టులా మెత్తగా ఉండేదట. దీంతో అందరూ తనను అమ్మాయిని అనుకునేవారని రాక్‌ ఇటీవల చెప్పుకొచ్చాడు. అంతేకాదు అతని తండ్రి రెజ్లర్ కావడంతో చిన్నతనంలో తరచూ పాఠశాలలు మారుతూ రావాల్సి వచ్చేదట. అలా 13కుపైగా పాఠశాలలు రాక్‌ మారాడట. అందులో చాలా దగ్గర్లో ఇలాంటి ప్రశ్న ఎదుర్కొన్నాడట. అలాంటి రాక్‌ ఇప్పుడెలా ఉన్నాడో మనకు తెలిసిన విషయమే.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
‘జెర్సీ’ లోని ఈ 15 ఎమోషనల్ డైలాగ్స్ ను ఎప్పటికీ మరచిపోలేము..!
Home