యంగ్ టైగర్ జూనియర్ ఎన్టీఆర్ హోస్ట్ గా ఎవరు మీలో కోటీశ్వరులు పేరుతో ప్రసారమవుతున్న షోలో ఇప్పటికే రామ్ చరణ్, కొరటాల శివ, రాజమౌళి సెలబ్రిటీ గెస్టులుగా హాజరయ్యారు. మహేష్ బాబు కూడా ఈ షోకు గెస్ట్ గా హాజరు కాగా దసరా కానుకగా ఈ ఎపిసోడ్ ప్రసారం కానుందని సమాచారం. ఈ ఎపిసోడ్ సరదాగా సాగిందని మహేష్ తన సినిమాలకు సంబంధించిన అప్ డేట్లను ఈ షోలో పంచుకున్నారని తెలుస్తోంది.
గతంలో మహేష్ హీరోగా తెరకెక్కిన సినిమాల ఈవెంట్లకు జూనియర్ ఎన్టీఆర్ గెస్ట్ గా హాజరయ్యారు. ఆ రీజన్ వల్లే ఎన్టీఆర్ అడిగిన వెంటనే ఈ షోకు గెస్ట్ గా హాజరు కావడానికి మహేష్ ఓకే చెప్పినట్టు తెలుస్తోంది. మహేష్ ఈ షోలో ఏకంగా 25 లక్షల రూపాయలు గెలుచుకున్నారని సమాచారం. ఈ మొత్తాన్ని మహేష్ ఏ ఛారిటీకి డొనేట్ చేస్తారో చూడాల్సి ఉంది. చరణ్, కొరటాల – రాజమౌళి కూడా 25 లక్షల రూపాయలు గెలుచుకున్నారనే సంగతి తెలిసిందే.
మహేష్ ప్రస్తుతం పరశురామ్ డైరెక్షన్ లో సర్కారు వారి పాట సినిమాలో నటిస్తుండగా త్రివిక్రమ్ శ్రీనివాస్ డైరెక్షన్ లో మహేష్ హీరోగా తెరకెక్కుతున్న సినిమా షూటింగ్ త్వరలో మొదలు కానుంది. మరోవైపు ఎన్టీఆర్ ఎవరు మీలో కోటీశ్వరులు షోకు గెస్ట్ గా ప్రభాస్ ను తీసుకొచ్చే ప్రయత్నం చేస్తున్నారని తెలుస్తోంది. మరి ప్రభాస్ ఈ షోకు రావడానికి అంగీకరిస్తారో లేదో తెలియాల్సి ఉంది.
Most Recommended Video
‘బిగ్ బాస్5’ మానస్ గురించి ఈ 10 విషయాలు మీకు తెలుసా?
‘బిగ్ బాస్5’ లహరి షెరి గురించి ఈ 10 విషయాలు మీకు తెలుసా?
‘బిగ్ బాస్5’ ప్రియా గురించి ఈ 12 విషయాలు మీకు తెలుసా?
