హృతిక్‌ సరికొత్త సెల్ఫీ చూశారా…

January 4, 2021 / 11:37 AM ISTByFilmy Focus

Join Us

హృతిక్‌ రోషన్‌ అందరూ బాలీవుడ్‌ గ్రీక్‌ గాడ్‌ అంటారు. బాగా ఫైట్లు చేస్తాడు, డ్యాన్స్‌ అదరగొట్టేస్తాడు, అద్భుతంగా నటిస్తాడు, డూప్‌లు లేకుండా రిస్కీ షాట్‌లు చేస్తాడు… ఇవన్నీ తెర మీద హృతిక్‌ చూపించే టాలెంట్లు. మరి తెర వెనుక అంటే పిల్లల తండ్రిగా చక్కగా చూసుకుంటాడు. అంతేకాదు టెక్నాలజీ ఎప్పటికప్పుడు అందిపుచ్చుకుంటాడు. కొత్త టెక్నాలజీని ఠక్కున వాడేస్తుంటాడు అని అందరూ అంటుంటారు. తాజాగా ఆ ప్రతిభను చూపించాడు. కొత్త సంవత్సరం సందర్భంగా హృతిక్‌ ఇటీవల ఓ ట్వీట్‌ చేశాడు.

అందులో ఓ చిన్న వీడియో ఉంది. ఇంటి బయట లాన్‌లో హృతి క్‌ స్నేహితులు ఓ సెల్ఫీ తీసుకుంటున్నారు. అందులో టెక్నాలజీ ఏముంది… అందరూ చేసే పనే కదా అంటారా? అయితే ఆ సెల్ఫీ తీసుకున్నది మొబైల్‌తో కాదు డ్రోన్‌తో. అవును.. డ్రోన్‌ సాయంతో సెల్ఫీలు, సెల్ఫీ వీడియోలు తీసుకున్నాడు. ఆ వీడియోలో కొంతమంది హృతిక్‌ స్నేహితులు కూడా ఉన్నారు. మీరూ ఆ వీడియోను దిగువ చూడొచ్చు. ఒకవేళ మీకూ అవకాశం ఉంటే ట్రై చేయొచ్చు.

మరోవైపు చాలా గ్యాప్‌ తర్వాత ఈ రోజు హృతిక్‌ సినిమా సెట్‌లో అడుగుపెట్టాడు. ట్విటర్‌లో ఫొటో షేర్‌ చేసి ‘బ్యాక్‌ టు షూట్‌’ అని రాసుకొచ్చాడు. అయితే ఏ సినిమా చేస్తున్నాడు అనే విషయం రాయలేదు. కొంతమంది ‘క్రిష్‌ 4’ అని అంటుంటే… ఆ సినిమా అయితే భారీ అనౌన్స్‌మెంట్‌ చేస్తారు కదా అంటున్నారు. త్వరలో దీనిపై అధికారిక ప్రకటన వచ్చే అవకాశం ఉంది.