Simhadri Re-Release: దేవుడా.. సింహాద్రి రీరిలీజ్ ఖర్చు ఆ రేంజ్ లో ఉందా?

యంగ్ టైగర్ జూనియర్ ఎన్టీఆర్ సినీ కెరీర్ లో ఎన్నో బ్లాక్ బస్టర్ హిట్లు ఉన్నా సింహాద్రి సినిమా తారక్ కెరీర్ లో స్పెషల్ సినిమా అని ఫ్యాన్స్ భావిస్తున్నారు. అంకిత, భూమిక ఈ సినిమాలో హీరోయిన్లుగా నటించగా ఈ సినిమా రాజమౌళి ఇమేజ్ ను మార్చింది. సింహాద్రి సినిమాతో జక్కన్న ఇండస్ట్రీ దృష్టిని ఆకర్షించారు. ఆసక్తికర ట్విస్టులతో తెరకెక్కిన ఈ సినిమాకు విజయేంద్ర ప్రసాద్ కథ అందించారు.
ఈ నెల 20వ తేదీన సింహాద్రి మూవీ థియేటర్లలో రీరిలీజ్ కానున్న సంగతి తెలిసిందే.

ఈ సినిమా (Simhadri) పబ్లిసిటీ కోసం ఏకంగా 2 కోట్ల రూపాయలు ఖర్చు చేస్తున్నారని తెలుస్తోంది. ఒక సినిమా రీరిలీజ్ కోసం ఈ స్థాయిలో ఖర్చు చేయడం సింహాద్రి విషయంలో జరుగుతోందని కామెంట్లు వినిపిస్తున్నాయి. సింహాద్రి సినిమా బుకింగ్స్ ఈ నెల 9వ తేదీ నుంచి మొదలుకానున్నాయి. రీరిలీజ్ లో ఈ సినిమా కనీసం 10 కోట్ల రూపాయల కలెక్షన్లను సాధించాలని ఫ్యాన్స్ భావిస్తున్నాయి.

ఇప్పటికే తారక్ నటించిన పలు సినిమాలు రీరిలీజ్ అయినా ఆశించిన ఫలితాలను సొంతం చేసుకోలేదు. తారక్ సింహాద్రి రీరిలీజ్ సినిమా ద్వారా కలెక్షన్ల పరంగా మరో రేర్ రికార్డ్ ను సొంతం చేసుకోవడం ఖాయమని ఫ్యాన్స్ ఫిక్స్ అయ్యారు. విదేశాల్లో కూడా ఈ సినిమా రీరిలీజ్ అవుతుండటం గమనార్హం. 4కే వెర్షన్ లో ఈ సినిమా రిలీజ్ కానుండగా రికార్డ్ స్థాయి స్క్రీన్లలో ఈ సినిమా రిలీజ్ కానుంది.

ఎన్టీఆర్ పుట్టినరోజు వేడుకలు కూడా గ్రాండ్ గానే ఉండనున్నాయి. జూనియర్ ఎన్టీఆర్ ప్రస్తుతం వరుస సినిమాలతో బిజీగా ఉండగా ఆ సినిమాలకు సంబంధించిన షాకింగ్ అప్ డేట్స్ కూడా రానున్నాయని తెలుస్తోంది. వరుస సినిమాలతో, ఆ సినిమాలకు సంబంధించిన అప్ డేట్స్ తో తారక్ ఫ్యాన్స్ కు సంతోషాన్ని కలిగిస్తున్నారు.

రామబాణం సినిమా రివ్యూ & రేటింగ్!
ఉగ్రం సినిమా రివ్యూ & రేటింగ్!

గుడి కట్టేంత అభిమానం.. ఏ హీరోయిన్స్ కు గుడి కట్టారో తెలుసా?
ఇంగ్లీష్ లో మాట్లాడటమే తప్పా..మరి ఇంత దారుణంగా ట్రోల్స్ చేస్తారా?