టాలీవుడ్లో హీరోయిన్ల కొరత ఎప్పుడూ ఉంటుంది. ఓ సినిమా హిట్ అయ్యి.. అందులో హీరోయిన్ సెంటర్ ఆఫ్ అట్రాక్షన్ గా నిలిస్తే,ఆ హీరోయిన్ కి వరుస ఆఫర్లు వస్తుంటాయి. ముఖ్యంగా పెద్ద హీరోల సినిమాలకి వాళ్ళకే ఫస్ట్ ప్రిఫరెన్స్ ఉంటుంది. గత 2,3 ఏళ్లలో చూసుకుంటే.. శ్రీలీల (Sreeleela) అలాగే స్టార్ హీరోయిన్ గా ఎదిగింది. ఆమె నటించిన ‘ధమాకా’ (Dhamaka) అనే ఒక్క సినిమాతో ఈమె దశ తిరిగిపోయింది. ఆ తర్వాత వరుస సినిమాలతో బిజీ అయిపోయింది.
కృతి శెట్టి (Krithi Shetty) కూడా ఆమెలాగే వరుస ఆఫర్లు దక్కించుకుంది కానీ.. స్టార్ హీరోల సినిమాల్లో ఆమెకు ఛాన్సులు లభించలేదు. కేవలం మిడ్ రేంజ్ హీరోల సినిమాలకు పరిమితమైంది అని చెప్పాలి. శ్రీలీల హవా ఇప్పుడు కాస్త తగ్గింది. కాబట్టి.. పెద్ద సినిమాల మేకర్స్ అంతా ఇప్పుడు కొత్త అందం కోసం చూస్తున్నారు. సరిగ్గా ఇలాంటి టైంలో భాగ్య శ్రీ బోర్సే (Bhagyashri Borse) ఎంటర్ అవుతుంది. హరీష్ శంకర్ (Harish Shankar) దర్శకత్వంలో రవితేజ (Ravi Teja) హీరోగా తెరకెక్కుతున్న ‘మిస్టర్ బచ్చన్’ (Mr. Bachchan) సినిమాతో ఈమె హీరోయిన్ గా ఎంట్రీ ఇస్తుంది.
ఈ సినిమాకు సంబంధించి ఇప్పటికే 2 పాటలు రిలీజ్ అయ్యాయి. 2 పాటల్లో కూడా భాగ్య శ్రీ అందాలు హైలెట్ అయ్యాయి. ఈ సినిమా ఇంకా రిలీజ్ కాకుండానే భాగ్య శ్రీ బోర్సే కి బోలెడంత క్రేజ్ లభించింది. మెల్ల మెల్లగా ఆమెకి కూడా క్రేజీ ఆఫర్లు వస్తున్నాయి. రాబోయే రోజుల్లో స్టార్ హీరోల సినిమాల్లో ఈమె ఎక్కువగా నటించే ఛాన్స్ ఉంది.
Home
