Ravi Teja: ‘క్రాక్’ బ్లాక్ బస్టర్ ఎఫెక్ట్.. ‘ఖిలాడి’ ఓటిటి రిలీజ్ కు భారీ ఆఫర్..!

వరుసగా ‘టచ్ చేసి చూడు’ ‘నేల టిక్కెట్’ ‘అమర్ అక్బర్ ఆంటోని’ ‘డిస్కో రాజా’ వంటి బ్యాక్ టు బ్యాక్ డిజాస్టర్లను ఫేస్ చేసిన రవితేజ.. ఎట్టకేలకు ఈ ఏడాది ‘క్రాక్’ చిత్రంతో బ్లాక్ బస్టర్ అందుకుని స్ట్రాంగ్ కంబ్యాక్ ఇచ్చాడు. సంక్రాంతి కానుకగా విడుదలైన ఈ చిత్రం 50 శాతం ఆక్యుపెన్సీతో కూడా రూ.39 కోట్ల షేర్ ను రాబట్టింది.దర్శకుడు గోపీచంద్ మలినేని-రవితేజ లు ఈ చిత్రంతో హ్యాట్రిక్ ను కూడా కంప్లీట్ చేశారు.

ఇక ఇదే జోష్ తో రవితేజ వరుసగా 4 ప్రాజెక్టులను లైన్లో పెట్టాడు. ఇందులో ‘ఖిలాడి’ మూవీ ముందుగా విడుదల కానుంది. ‘రాక్షసుడు’ ఫేమ్ రమేష్ వర్మ ఈ చిత్రానికి దర్శకుడు. అనసూయ, అర్జున్ వంటి స్టార్ క్యాస్టింగ్ కూడా ఉండడంతో ఈ సినిమా పై హైప్ ఏర్పడింది. ఇటీవల దర్శకుడు రమేష్ వర్మ కోవిడ్ భారిన పడటంతో ఈ చిత్రం షూటింగ్ వాయిదా పడింది. ఇదిలా ఉండగా.. ఈ చిత్రానికి ఓటిటి నుండీ భారీ ఆఫర్ వచ్చిందట.

‘ఖిలాడి’ ని నేరుగా ఓటిటిలో విడుదల చెయ్యమని ఏకంగా రూ.45 కోట్ల రూపాయలకు అమెజాన్ ప్రైమ్ వారు అడిగారట. అయితే నిర్మాతలు దీనికి వెంటనే ఎస్ చెప్పలేదు. ఎందుకంటే.. ఇప్పటికే వారు ఈ చిత్రం కోసం రూ.25 కోట్ల వరకూ ఖర్చు చేసినట్టు తెలుస్తుంది.సినిమా పూర్తయ్యేసరికి అనుకున్న దానికంటే ఎక్కువ బడ్జెట్ అవుతుందని.. భావించి వారు ఈ ఆఫర్ ను హోల్డ్ లో పెట్టినట్టు తెలుస్తుంది. కాబట్టి ఈ చిత్రం కచ్చితంగా థియేటర్ లలోనే విడుదలయ్యే అవకాశాలు కనిపిస్తున్నాయి.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!