మాస్ ప్రేక్షకులను ఉర్రూతలూగించే భారీ యాక్షన్ సీన్స్ కి నందమూరి బాలకృష్ణ సినిమాలు కేరాఫ్ గా ఉంటాయి. అలా మాస్ ఆడియన్స్ కోసం జై సింహాగా వస్తున్నారు బాలయ్య. తమిళ దర్శకుడు కె ఎస్ రవి కుమార్ దర్శకత్వంలో బాలకృష్ణ నటించిన ఈ మూవీ అనుకున్నదానికంటే స్పీడ్ గా షూటింగ్ జరుపుకుంటోంది. రీసెంట్ గా క్లైమాక్స్ పార్ట్ కంప్లీట్ చేసిన డైరక్టర్ తాజాగా వైజాగ్ బీచ్ రోడ్‌లో 5 వేల జూనియర్ ఆర్టిస్టులు, 110 బస్సులతో “మహాధర్నా” సీక్వెన్స్ షూటింగ్ జరుగుతోంది. ఇదే షెడ్యూల్‌లో బాలకృష్ణ, హరిప్రియలపై ఒ రోమాంటిక్ సాంగ్‌, బాలయ్యపై ఓ మాంటేజ్ సాంగ్‌ను షూట్ చేయనున్నారు.
సి.కె.ఎంటర్ టైన్మెంట్స్ పతాకంపై నిర్మాత సి.కళ్యాణ్ నిర్మిస్తున్న సినిమా ఫస్ట్ లుక్‌ను నవంబర్ 1న రిలీజ్ చేయనున్నారు. బాలకృష్ణ సరసన నయనతార, నటాషా జోషీ, హరిప్రియలు కథానాయికలుగా నటిస్తున్న ఈ చిత్రాని వచ్చే ఏడాది సంక్రాంతిని పురస్కరించుకొని జనవరి 12న విడుదల చేయాలని నిర్మాత సి.కళ్యాణ్ డిసైడ్ అయ్యారు. సంక్రాంతి హీరోగా పేరుతెచ్చుకున్న బాలకృష్ణ ఈ సారి కూడా ఆ పేరు నిలబెట్టుకుంటారని చిత్ర బృందం గట్టిగా విశ్వసిస్తోంది.
