రవితేజ చిత్రానికి సిద్ధమైన అదిరిపోయే సెట్

రాజా ది గ్రేట్ తో విజయాన్ని అందుకున్న మాస్ మహారాజ రవితేజ టచ్ చేసి చూడు సినిమాతో అపజయాన్ని చవిచూశారు. ఈ సినిమా రిజల్ట్ తో బాధపడకుండా మరో సినిమాని పూర్తి చేసే పనిలో పడ్డారు. సోగ్గాడే చిన్ని నాయన ఫేమ్ కళ్యాణ్ కృష్ణ దర్శకత్వంలో రవితేజ చేస్తున్న “నేల టికెట్” వేగంగా షూటింగ్ జరుపుకుంటోంది. ఇందులోమాళవిక శర్మ హీరోయిన్ గా నటిస్తోంది. రామ్ తాళ్లూరి నిర్మిస్తున్న ఈ మూవీలో జగపతి బాబు ఓ కీలక పాత్రలో కనిపించనున్నారు. మొన్నటివరకు వైజాక్ లో షూటింగ్ చేశారు.

ఇక హైదరాబాద్ లో షూటింగ్ చేయనున్నారు. ఈ చిత్రం కోసం రామోజీ ఫిల్మ్ సిటీలో భారీ సెట్ వేశారు. ఈ సెట్లోనే ఎక్కువ శాతం షూటింగ్ జరగనుందని తెలిసింది. ఇందులో ఒక పాట కూడా చిత్రీకరించనున్నట్లు సమాచారం. వచ్చేనెల చివరి నాటికి షూటింగ్ కంప్లీట్ చేయాలనీ భావిస్తున్నారు. అలాగే మేలో రిలీజ్ చేయాలనీ ఫిక్స్ అయ్యారు. రేపు ఉగాది సందర్బంగా ఈ చిత్రం ఫస్ట్ లుక్ ను రిలీజ్ చేయనున్నారు. ఈ సినిమా తర్వాత రవితేజ శ్రీను వైట్ల దర్శకత్వంలో ‘అమర్ అక్బర్ ఆంటోని’ అనే చిత్రం షూటింగ్ లో పాల్గొననున్నారు.