డైరక్టర్ సుకుమార్ మనల్ని పాతికేళ్ళు వెనక్కి తీసుకెళ్లడానికి ప్రయత్నిస్తున్నారు. అప్పటి గ్రామీణ యువకుడిగా రామ్ చరణ్ తేజ్ ని చూపించనున్నారు. ఈ రెండు విషయాలను రంగస్థలం 1985 సినిమా ద్వారా మన కళ్లకు కట్టనున్నారు. ఈ చిత్రం రాజమండ్రిలోని అందమైన ప్రాంతంలో రెండు షెడ్యూళ్లు పూర్తి చేసుకుంది. రామ్ చరణ్, సమంతలపై కీలక సన్నివేశాలను తెరకెక్కించారు. మైత్రీ మూవీస్‌ నిర్మిస్తోన్న ఈ మూవీ కొత్త షెడ్యూల్ హైదరాబాద్‌లో ప్లాన్ చేశారు. ఓ స్టూడియోలో ప్రత్యేకమైన సెట్‌ని రూపొందించారు.
1985 రోజుల్లో, ఓ పల్లెటూరు ఎలా ఉంటుందో అచ్చంగా అలాంటి వాతావరణాన్ని సృష్టించారు. కళా దర్శకుడు రామకృష్ణ రూపొందించిన ఈ సెట్‌ కోసం 5 కోట్లు కేటాయించారు. ఈనెల 24 నుంచి మొదలై 35 రోజులు పాటు నిరంతరాయంగా షూటింగ్ జరగనుంది. ఈ షెడ్యూల్ లో హీరో హీరోయిన్ తో పాటు జగపతిబాబు, ఆది పినిశెట్టి, అనసూయ తదితరులు పాల్గొననున్నారు.
Also, do SUBSCRIBE to our YouTube channel to get latest Tollywood updates.
