హైపర్ ఆది..! ‘జబర్దస్త్’ కామెడీ షోలో సైడ్ క్యారెక్టర్ గా ఎంట్రీ ఇచ్చి తర్వాత తన కష్టంతో టీం లీడ్ గా ఎదిగాడు. బుల్లితెరపై కూడా పెద్ద స్టార్ గా అవతరించాడు. ఈ మధ్య కాలంలో అయితే పెద్ద సినిమాల్లో కూడా అవకాశాలు కొట్టేస్తూ బిజీగా గడుపుతున్నాడు. ఇతను ఎదిగిన విధానం అభినందనీయం. ఎంతో మందికి స్ఫూర్తిదాయకం అని చెప్పడంలో అతిశయోక్తి లేదు. ఇది పక్కన పెడితే.. మెగా ఫ్యామిలీకి అందులోనూ పవర్ స్టార్ పవన్ కళ్యాణ్ కి ఇతను వీరాభిమాని.
‘జనసేన’ పార్టీ మీటింగ్లలో కూడా ఇతను కనిపిస్తుంటాడు. అయితే ఇతని (Hyper Aadhi) అభిమానం ఒక్కోసారి హద్దులు దాటేస్తూ ఉంటుంది అన్నది కొందరి మాట. స్టేజ్ ఎక్కి మైక్ పట్టుకుంటే చాలు తన అభిమాన హీరో పవన్ కళ్యాణ్ కి భజన చేయడమే పనిగా పెట్టుకుంటాడు అని కొందరు అంటుంటారు. నిన్న ‘భోళా శంకర్’ ప్రీ రిలీజ్ ఈవెంట్ లో కూడా ‘పవన్ కళ్యాణ్ కి, మెగా ఫ్యామిలీకి పెద్ద ఎత్తున భజన చేశాడు ఆది’ అనే విమర్శలు సోషల్ మీడియాలో వినిపిస్తున్నాయి.
సరే అతని అభిమానం అలాంటిదేమో. అది తప్పు కూడా కాదు..! పవన్ పై అలాగే మెగా ఫ్యామిలీ పై విమర్శలు చేసే చాలా మందిపై అది విరుచుకుపడ్డాడు. అందులో కూడా తప్పు లేదు. కాకపోతే.. కొంత మంది యూట్యూబర్స్… సుమన్ ,ఉదయ్ కిరణ్…ల లైఫ్ స్పాయిల్ అవ్వడానికి కారణం మెగా ఫ్యామిలీ అన్నట్టు వీడియోలు చేస్తుంటారు. వాటి పై ఆది స్పందించి ‘అలాంటివారికి ఒకటే చెబుతున్నాను.. కష్టపడి సంపాదించుకోండి కానీ, కష్టపడే వాళ్ళ మీద పడి సంపాదించుకోవద్దండి’ అంటూ హితవు పలికాడు.
సరిగ్గా ఈ లైన్ పైనే ఆది పై సెటైర్లు పడుతున్నాయి. ఆది ‘జబర్దస్త్’ లో వేసే స్కిట్స్ లో చాలా వరకు పక్క వాళ్ళ లైఫ్ ను ఆధారం చేసుకుని చేసినవే..! బాలకృష్ణ పై కూడా అతను తన స్కిట్స్ ద్వారా సెటైర్లు వేసిన సందర్భాలు ఉన్నాయి. మంచు విష్ణు .. మా ఎన్నికల్లో వాడిన డైలాగుల పై కూడా అతను సెటైర్లు వేశాడు. ఆది చెప్పిన వేదాంతం బాలయ్యకి వర్తించదా? అని కూడా కొందరు అంటున్నారు.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
Home