సూపర్ స్టార్ విషయంలో తప్పు చేశానన్న ఆర్పీ పట్నాయక్

సంగీత దర్శకుడు ఆర్పీ పట్నాయక్ మంచి స్వరాలకు సమకూర్చడమే కాదు, చక్కగా పాడగలరు. ఆయన మ్యూజిక్ అందించిన అనేక చిత్రాల్లో పాటలు పాడారు. జయం సినిమాలో ఆర్పీ స్వరం నుంచి వచ్చిన  ప్రియతమా.., ఎవ్వరు ఏమన్నా.. వంటి ఎన్నో సాంగ్స్ సూపర్ హిట్ అయ్యాయి. అందుకే దర్శకుడు తేజ తన ప్రతి సినిమాలో ఆర్పీ తో పాటలు పాడిస్తుంటారు. అలాగే సూపర్ స్టార్ మహేష్ బాబు తో ఆయన తెరకెక్కించిన నిజం సినిమాకు మ్యూజిక్ డైరక్టర్ గా పట్నాయక్ పనిచేశారు.

అంతేకాదు అందులో పది పాటలుంటే ఏడింటిని ఆర్పీ పాడారు. పాటలు హిట్ అయ్యాయి, కానీ సినిమా విజయం సాధించలేదు. ఈ సినిమా విషయంలో తాను పెద్ద తప్పు చేశానని సంగీత దర్శకుడు ఒప్పుకున్నారు. ఈ మధ్య ఆయన మీడియాతో మాట్లాడుతూ “నిజం సినిమాలో మహేష్ బాబుకి నా వాయిస్ అస్సలు సెట్ కాలేదు. ఆ తప్పు ఇప్పటికీ నన్ను బాధిస్తుంటుంది. ఆ సినిమా టీవీలో వచ్చిన ప్రతి సారి సూపర్ స్టార్ విషయంలో నేను ఎందుకు అలా చేసానా అని ఫీలవుతుంటా” అని మనసులోని బాధని బయట పెట్టారు.

Also, do SUBSCRIBE to our YouTube channel to get latest Tollywood updates.