సీక్రెట్ బయటపెట్టేసిన అనసూయ..!

సినిమా వాళ్ళు అంత గ్లామర్ గా ఎలా ఉంటారు? అనే విషయాన్ని తెలుసుకోవాలని చాలా మంది అనుకుంటారు. అయితే అందరిలాగా వాళ్ళు లేట్ గా నిద్ర లేవరు. ‘తెల్లవారు జామునే నిద్ర లేచి.. యోగా, మెడిటేషన్ వంటివి చేస్తాము’ అని ఆ ఒక్క సీక్రెట్ ను చెప్పేసి చేతులు దులిపేసుకుంటారు. వాళ్ళ ఆహారపు అలవాట్లు మాత్రం అస్సలు బయటపెట్టరు. హీరోయిన్ల సంగతి పక్కన పెడితే.. ఇద్దరు పిల్లలకు తల్లి , 35 ఏళ్ళ వయసు..

అయినప్పటికీ అనసూయ ఇంత గ్లామర్ ఎలా మెయింటైన్ చేస్తుంది? అనే విషయాన్ని తెలుసుకోవాలని ఆమె అభిమానులకు కూడా ఎంతో ఆసక్తిగా ఉంటుంది. అయితే పూర్తిగా కాకపోయినా.. కొంత వరకూ ఈ ‘జబర్దస్త్’ బ్యూటీ బయటపెట్టింది. అనసూయ మాట్లాడుతూ.. “నేను రోజూ ఓ గ్లాస్ రెడ్ వైన్, కొన్ని డ్రై ఫ్రూట్స్ తింటాను. నేను వైన్ మాత్రమే తాగుతాను. అది కూడా ఒక గ్లాసు మాత్రమే అలవాటు చేసుకున్నాను. ఎందుకంటే ఇది ఆరోగ్యానికి మంచిది. గుండెకు కూడా మంచిది. అందుకే రోజూ ఓ గ్లాస్ వైన్ తీసుకుంటాను.

ఆకలిని తగ్గించుకోవడానికి మాత్రమే తాగుతాను. ఆకలిగా ఉంటే నాకు నిద్రపట్టదు. కాబట్టి గ్లాస్ రెడ్ వైన్ తాగుతాను.ఉపవాసం చేయడం వంటివి నాకు నచ్చవు.. నా వల్ల కూడా కాదు. అందుకే ఫుల్ మీల్స్ బదులుగా ఓ గ్లాస్ రెడ్ వైన్, డ్రై ఫ్రూట్స్ తీసుకుంటాను. నాకైతే ఈ ప్రాసెస్ వర్కౌట్ అయ్యింది.. అందరికీ వర్కవుట్ అవుతుందా? అంటే నేను చెప్పలేను. వైన్ మంచిదని చెప్పాను కదా అని.. బాటిల్స్ తో వైన్ తాగకూడదు. మితంగా తీసుకోవాలి” అంటూ చెప్పుకొచ్చింది.

Most Recommended Video

పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!