బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ డైరక్టర్ సుజీత్ దర్శకత్వంలో సినిమా చేస్తున్నారు. పూజా కార్యక్రమాలు జరుపుకున్న ఈ చిత్రానికి దాదాపు టెక్నీషియన్లు, ఆర్టిస్టుల ఎంపికను పూర్తి చేశారు. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ ఫిల్మ్ సాహో టైటిల్ ఫిక్స్ చేశారని, బాహుబలి 2 తో పాటు టీజర్ కూడా రిలీజ్ చేస్తారని.. రోజుకో న్యూస్ బయటికి వస్తోంది. అయితే అవేవి చిత్ర బృందం అధికారికంగా ప్రకటించినవి కాదు. ఇదే విషయాన్నీ ప్రభాస్ ముందు విలేకరులు ఉంచారు. ఆయన బాహుబలి 2 ప్రమోషన్లో భాగంగా తెలుగు మీడియాకు ఈరోజు ఇంటర్వ్యూ ఇచ్చిన సందర్భంలో తన నెక్స్ట్ సినిమాపై వస్తున్న రూమర్లపై స్పందించారు.
“సుజీత్ దర్శకత్వంలో చేస్తున్న సినిమా గురించి మేము పనిచేస్తున్న సంగతి నిజమే, మరో మూడు రోజుల్లో ఆ మూవీ పేరు, టీజర్ విషయాలపై క్లారిటీ ఇస్తాను” అని చెప్పారు. ప్రభాస్ పోలీసాఫీసర్ గా నటిస్తున్న ఈ సినిమాలో కన్నడ బ్యూటీ రష్మిక మందనా హీరోయిన్ గా ఎంపికైంది. బాలీవుడ్ సంగీత త్రయం శంకర్ – ఇషాన్ – లాయ్ లు డార్లింగ్ ఫిల్మ్ కి సంగీతాన్ని అందించనున్నారు. మరిన్ని వివరాలు అధికారికంగా త్వరలో తెలియనుంది.
Also, do SUBSCRIBE to our YouTube channel to get latest Tollywood updates.
