బిగ్ బాస్ హౌస్ లో అడవిలో ఆట అనే టాస్క్ జరుగుతున్న విషయం తెలిసిందే. ఇందులో భాగంగా అందర్నీ కూర్చోబెట్టి రెండోరోజు టాస్క్ రూల్స్ చెప్పి మరీ ఆడమన్నాడు బిగ్ బాస్. మొదట పిట్టల సౌండ్ రాగానే దొంగలు అడవిలో దోచుకోవడం మొదలుపెట్టారు. పోలీసులకి చిక్కకుండా రెడ్ ట్యాగ్ ఉన్న బొమ్మలని దోచుకున్నారు. ఆ తర్వాత పోలీస్ విజిల్ వినిపించింది. దీంతో పోలీస్ టీమ్ హౌస్ లో సోదాని నిర్వర్తించారు. ఇందులో ఇనయ, చంటి ఇంకా ఫైమాలు బెడ్ రూమ్ ని ఎంచుకున్నారు.
బెడ్ రూమ్ డోర్ దగ్గర హాల్ వైపు నుంచుని ఉన్న నేహాని ఇనయసుల్తానా టార్గెట్ చేసింది. కానీ, దొంగల ముఠా నాయకుడు సూర్య గట్టిగా చెప్పడంతో వదిలేసింది. ఆ తర్వాత ఇనయ అనూహ్యంగా లగేజ్ రూమ్ లో సోదా చేసేందుకు వెళ్లింది. దీంతో ఇనయ రాంగ్ గేమ్ ఆడుతోందని సూర్య హెచ్చరించాడు. కిడ్నాప్ చేసేమని ఆదేశించాడు. ఇక్కడే ఇనయా సుల్తానాపై నలుగురు అమ్మాయిలు వచ్చి పడ్డారు. తనని సోదా చేయకుండా బయటకి లాగే ప్రయత్నం చేశారు. ఈ టైమ్ లో అందరూ ఫిజికల్ అయిపోయారు. నేహాని తోసేస్తూ మెడని బలంగా పట్టుకుంది ఇనయ సుల్తానా.
దీంతో నేహా బాగా హర్ట్ అయ్యింది. అంతేకాదు, ఇనయని కీర్తి, వాసంతీ, సుదీప, ఆరోహిలు గట్టిగా పట్టుకున్నారు. నేహా కూడా ఒకవైపు బలంగా ఒడిసిపట్టుకుంది. దీంతో ఇనయ గింజుకునే ప్రయత్నం చేస్తూ అందర్నీ తోసుకుంటూ వెళ్లింది. అందరు బలంగా పట్టుకునే సరికి ఇనయ డ్రెస్ పైకి వచ్చే పరిస్థితి వచ్చింది. ఇదే విషయాన్ని ఇనయ చెప్పింది. అయితే, నేహా మాత్రం ఇనయపై కంప్లైట్ ఇచ్చింది. నన్ను లాగి పెట్టి చెంపమీద కొట్టిందని పోలీస్ టీమ్ కి కంప్లైట్ చేసింది. గట్టిగా కొట్టిందని అందుకే మేము అందరం కలిసి పట్టుకున్నామని చెప్పింది.
నిజానికి ఇనయ తప్పించుకునే ప్రయత్నంలో అందరితోనూ కలయబడింది. కానీ, కావాలని చెంపమీద లాగి పెట్టి కొట్టలేదు. కేవలం మెడ దగ్గర బలంగా పట్టుకుంది. ఇనయ సుల్తానాని రెడ్ లైన్ దాటించి మరీ దొంగలు కిడ్నాప్ చేశారు.ఇక ఇరు టీమ్స్ పరస్పరం వాదించుకుంటూ ఈ విషయాన్ని పెద్దదిగా చేసుకున్నారు.
ముఖ్యంగా కీర్తి ఇనయపై అరిచి గోల చేసింది. ఇనయ మాత్రం అంతమందికి సమాధానం చెప్తూ టాస్క్ లో దెబ్బలు తగులుతాయని అయినా కూాడ నేను పోరాడి ఆడానని చెప్పింది. మొత్తానికి వీకండ్ నాగార్జున ఇచ్చిన బూస్ట్ కి అడవిలో ఆట టాస్క్ లో హౌస్ మేట్స్ కొట్టుకునే వరకూ వచ్చారు.
Most Recommended Video
శాకిని డాకిని సినిమా రివ్యూ & రేటింగ్!
నేను మీకు బాగా కావాల్సినవాడిని సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ గీతు రాయల్ గురించి ఆసక్తికర విషయాలు..!
Home