ఈ మధ్యకాలంలో ఇండస్ట్రీకి చెందిన చాలా మంది నటులు కన్నుమూశారు. కొందరు కోవిడ్ కి బలైపోతే.. మరికొందరు అనారోగ్యంతో బాధపడుతూ మరణించారు. ఈ విషాద సంఘటనలు మర్చిపోక ముందే మరో నటుడు మృతి చెందారు. గుజరాతీ సినిమా ‘ఛెల్లో షో’ సినిమా చైల్డ్ సతీష్ రాహుల్ కోలీ కన్నుమూశారు. గత కొంతకాలంగా లుకేమియాతో బాధపడుతున్నారు రాహుల్. ఒక క్యాన్సర్ ఇన్స్టిట్యూట్ లో ట్రీట్మెంట్ తీసుకుంటున్న రాహుల్.. అక్టోబర్ 2న అహ్మదాబాద్ లో మరణించారు.
ఈ ఏడాది ఆస్కార్ అవార్డు ఎంట్రీ కోసం ఇండియా నుంచి గుజరాతీ సినిమా ‘ఛెల్లో షో’ను ఫిల్మ్ ఫెడరేషన్ ఆఫ్ ఇండియా ఎంపిక చేసిన సంగతి తెలిసిందే. ఈ సినిమా అక్టోబర్ 14న విడుదల కానుంది. ఈ సినిమా రిలీజ్ కాకుండానే రాహుల్ మరణించడం సినీ లోకాన్ని విషాదంలో ముంచింది. రాహుల్ కోలీ తండ్రి రాము కోలీ ఆటో రిక్షా నడుపుతూ కుటుంబాన్ని పోషిస్తున్నారు. ‘ఛెల్లో షో’ రిలీజ్ అయిన తరువాత తన జీవితాలే మారిపోతాయని రాహుల్ అంటుండేవాడని అతడి తండ్రి కన్నీరు పెట్టుకున్నారు.
రాహుల్ ట్రీట్మెంట్ కోసం ఆయన తనకున్న రిక్షాను అమ్మేశారు. ఈ విషయం ‘ఛెల్లో షో’ సినిమా టీమ్ కు తెలియడంతో వారి తిరిగి రిక్షాను ఇప్పించారు. అక్టోబర్ 2న టిఫిన్ చేసిన తరువాత రాహుల్ కి రక్తం వాంతులు అయ్యాయట. ఆ తరువాత వెంటనే తన బిడ్డ చనిపోయాడని రాహుల్ తండ్రి ఎమోషనల్ అయ్యారు. ‘ఛెల్లో షో’ సినిమాలో ప్రధాన పాత్రలు పోషించిన మొత్తం ఆరుగురు చైల్డ్ ఆర్టిస్ట్ లలో రాహుల్ కోలీ ఒకరు.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
