Game Changer: ‘గేమ్‌ ఛేంజర్‌’లో శ్రీకాంత్‌ లుక్‌ వెనుక ఆసక్తికర విషయం.. ఏంటంటే?

శంకర్‌ (Shankar) సినిమాల్లో భారీతనం కనిపిస్తుంది. సినిమా కథ, తారాగణం ఎంపిక, సెట్స్‌.. ఇలా ఏది చూసినా ఆయన స్టైల్‌ రిచ్‌నెస్‌, హెవీనెస్‌ ఉంటాయి. ఈ క్రమంలో మినిమమ్‌ డిటెయిల్స్‌ కూడా ఆయన మిస్‌ కారు. అందుకు ఉదాహరణలు చెప్పాలంటే ఆయన సినిమాల్లో ఏ పాత్ర చూసినా తెలిసిపోతుంది. తాజాగా ఆయన తెరకెక్కిస్తున్న చిత్రం ‘గేమ్‌ ఛేంజర్‌’లో (Game Changer)  కూడా ఇలాంటి ఓ పాయింట్‌ చూడొచ్చు.

Game Changer

ఇప్పటికే వచ్చిన సినిమా టీజర్‌లో శ్రీకాంత్ (Srikanth)  పాత్ర ఎలా ఉంటుంది అనే విషయం చూపించారు. ఈ సినిమాలో ఆయన సీనియర్‌ రాజకీయ నాయకుడిగా కనిపిస్తాడు. ఆయనను చూస్తే.. కాసేపు ఈ శ్రీకాంతేనా అనిపిస్తే.. ఆ వెంటనే భలేగా మేకప్‌ కుదిరిందే అని కూడా అనిపిస్తుంది. అయితే ఎక్కడా ఓవర్‌ చేసినట్లుగా లేకుండా.. నేచురల్‌గా కనిపించాడు శ్రీకాంత్.

అంతలా ఎలా సాధ్యమైంది అని చూస్తే.. ఆసక్తికర విషయం ఒకటి బయటకు వచ్చింది. అదే ఆ పాత్ర లుక్‌కు స్ఫూర్తి ఆయన తండ్రేనట. శ్రీకాంత్ తండ్రి ఫొటో అంటూ ఒకటి సోషల్‌ మీడియాలో కనిపిస్తోంది. దాన్ని, ‘గేమ్‌ ఛేంజర్‌’లోని చరణ్‌ లుక్క్‌ను చూస్తే.. చాలా దగ్గరగా ఉన్నాయి. ఆ ఫొటోను రిఫరెన్స్‌గా తీసుకునే శ్రీకాంత్‌ లుక్‌ను ప్రోస్థెటిక్ మేకప్ ద్వారా సిద్ధం చేశారట.

ఈ విషయం తెలిశాక.. శంకర్‌ పాత్రలు, దాని కోసం ఆయన పడ్డ కష్టం గురించి మరోసారి చర్చ నడుస్తోంది. శ్రీకాంత్‌కు వయసయ్యాక ఎలా ఉంటారు అనడానికి ఆయన తండ్రి ఫొటోనే వాడుకోవడం శంకర్‌ ప్లానింగ్‌కి నిదర్శనం అని అంటున్నారు నెటిజన్లు. ఇక ఈ సినిమా గురించి చూస్తే.. సంక్రాంతి కానుకగా జనవరి 10న రిలీజ్‌ చేస్తున్నారు.

రామ్‌చరణ్‌ సరసన కియారా (Kiara Advani)  నటించిన ఈ సినిమా మూడో సాంగ్‌ గురువారం విడుదల కానుంది. ‘నానా హైరానా..’ అంటూ సాగే పాట టీజర్‌ ఇప్పటికే ఆకట్టుకుంటోంది. పాట కూడా అదిరిపోతుందని టీమ్‌ టాక్‌.

నాని సినిమాలో టాలీవుడ్ సీనియర్ హీరో?