అయోధ్య రామమందిరానికి విరాళాలిచ్చిన సెలబ్రిటీలు ఎవరో తెలుసా?

అయోధ్య రామమందిరంలో మరికొన్ని గంటల్లో రాముని ప్రాణప్రతిష్ట జరగనుంది. తెలుగు రాష్ట్రాలకు చెందిన ఎంతోమంది సినీ ప్రముఖులకు ఆహ్వానాలు అందగా కొంతమంది సినీ ప్రముఖులు అయోధ్యకు వెళ్తున్నట్టు సమాచారం అందుతోంది. ప్రాణప్రతిష్ట సందర్భంగా గర్భగుడిలో కొంతమందికి మాత్రమే ప్రవేశం ఉండనుందని తెలుస్తోంది. అయితే అయోధ్య రామమందిరానికి విరాళాలిచ్చిన ప్రముఖ సెలబ్రిటీల వివరాలు నెట్టింట వైరల్ అవుతున్నాయి. పవర్ స్టార్ పవన్ కళ్యాణ్ అయోధ్య రామ మందిరం కోసం కొన్నేళ్ల క్రితమే 30 లక్షల రూపాయలకు పైగా విరాళం ఇచ్చారు.

పవన్ కు జోడీగా అత్తారింటికి దారేది సినిమాలో నటించి ప్రస్తుతం సినిమాలకు దూరంగా ఉన్న (Pranitha) ప్రణీత అయోధ్య రామ మందిరం నిధి సమర్పణ అభియాన్ కొరకు లక్ష రూపాయలు ఇచ్చారు. బిగ్ బాస్ షో ద్వారా, బిగ్ బాస్ రివ్యూల ద్వారా పాపులర్ అయిన ఆదిరెడ్డి శ్రీరామ్ జన్మభూమి తీర్థ క్షేత్రకు లక్ష రూపాయలు విరాళంగా అందించారు. పలువురు బాలీవుడ్ సినీ ప్రముఖులు సైతం ఈ జాబితాలో ఉన్నారు.

కొంతమంది టాలీవుడ్ సెలబ్రిటీలు విరాళాలను పంపినా ఆ విషయాలను వెల్లడించడానికి మాత్రం ఇష్టపడటం లేదని తెలుస్తోంది. రామమందిరం ప్రారంభం రోజున కొన్ని రాష్ట్రాలలో సెలవులు అమలవుతున్నాయి. మరికొన్ని రాష్ట్రాలలో మాత్రం హాఫ్ డే సెలవును ప్రకటించడం జరిగింది. అయోధ్య రామమందిరం కోసం విరాళం ఇచ్చిన వాళ్లకు ట్రస్ట్ నుంచి రశీదు జారీ అవుతుంది.

చెల్లింపు గేట్ వే ద్వారా విరాళం ఇచ్చిన వాళ్లకు మాత్రం తక్షణమే రిసిప్ట్ అందుతుందని సమాచారం అందుతోంది. అయోధ్య రామ మందిరానికి విరాళం ఇస్తే పన్ను మినహాయింపు ప్రయోజనాలను సైతం పొందవచ్చని తెలుస్తోంది. అయోధ్య రామ మందిరానికి సంబంధించి కొన్ని ఫోటోలు ప్రస్తుతం సోషల్ మీడియాలో వైరల్ అవుతుండగా ఆ ఫోటోలు నిజమైన ఫోటోలో కాదో తెలియాల్సి ఉంది.

గుంటూరు కారం సినిమా రివ్యూ & రేటింగ్!

హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!