రవితేజ, శ్రీను వైట్ల చిత్రానికి ఆసక్తికర పేరు!

నీకోసం, వెంకీ, దుబాయ్ శీను… రవితేజ, శ్రీను వైట్ల కాంబినేషన్లో వచ్చిన సినిమాలు ఇవి. మొదటి చిత్రం కొంత ఫీల్ గా సాగినా.. మిగిలిన రెండు సినిమాల్లో కామెడీ డోస్ ఎక్కువగా ఉంటుంది. అందుకే వీరిద్దరి కలయికలో సినిమా అనగానే అభిమానుల్లో అంచనాలు పెరిగిపోతున్నాయి. మాస్ మహారాజ్ రవితేజ కొత్త దర్శకుడు విక్రమ్ సిరికొండ దర్శకత్వంలో చేసిన  “టచ్ చేసి చూడు” సినిమా నిన్న రిలీజ్ అయి మిశ్రమ స్పందన అందుకుంది. ఈ సినిమా తర్వాత కళ్యాణ్ కృష్ణ దర్శకత్వంలో నటిస్తున్నారు. “నేల టికెట్” అని పేరు పరిశీలిస్తున్న ఈ చిత్రం వేగంగా షూటింగ్ జరుపుకుంటోంది. దీని తర్వాత శ్రీను వైట్ల దర్శకత్వంలో రవితేజ మూవీ చేయనున్నారు. ప్రీ ప్రొడక్షన్ దశలో ఉన్న ఈ సినిమా గురించి ఆసక్తిగా న్యూస్ బయటికి వచ్చింది.

మైత్రి మూవీ మేకర్స్ వారు నిర్మించనున్న ఈ చిత్రానికి “అమర్ అక్బర్ ఆంటోనీ” అనే టైటిల్ ని ఫిలిం ఛాంబర్ లో రిజిస్టర్ చేసినట్లు సమాచారం. ఇందులో రవితేజ ఎన్నారైగా కనిపించనున్నారు. అలాగే ఈ చిత్రం ఎక్కువభాగం అమెరికాలో చిత్రీకరించనున్నారు. “నేల టికెట్”  షూటింగ్ పూర్తి కాగానే.. రెస్ట్ తీసుకోకుండా ఈ సినిమాని రవి తేజ మొదలు పెట్టనున్నారు. ఈ సినిమా వివరాలను త్వరలో అధికారికంగా ప్రకటించనున్నారు. వరుస అపజయాలతో ఇబ్బంది పడుతున్న శ్రీను వైట్ల ఈ సినిమాతో పూర్వ వైభవాన్ని సొంతం చేసుకోవాలని కష్టపడుతున్నారు.