బోయపాటి శ్రీను దర్శకత్వంలో బాలకృష్ణ హీరోగా నటించిన అఖండ మూవీ షూటింగ్ దాదాపుగా పూర్తైంది. అతి త్వరలోనే ఈ సినిమా నుంచి రిలీజ్ డేట్ కు సంబంధించిన క్లారిటీతో పాటు సినిమా ప్రమోషన్స్ కూడా మొదలు కానున్నాయి. అఖండలో బాలయ్య ద్విపాత్రాభినయం చేస్తున్న సంగతి తెలిసిందే. అఖండ క్లైమాక్స్ లో ఇద్దరు బాలకృష్ణలు కనిపిస్తారని ఆ సీన్స్ సినిమాకు హైలెట్ అవుతాయని తెలుస్తోంది. దర్శకుడు బోయపాటి శ్రీను తమిళనాడులోని ప్రముఖ దేవాలయం దగ్గర అఖండ మూవీ క్లైమాక్స్ సన్నివేశాలను షూట్ చేశారు.
బాలకృష్ణకు జోడీగా ప్రగ్య జైస్వాల్, పూర్ణ ఈ సినిమాలో నటిస్తుండా శ్రీకాంత్ బాలయ్యకు ప్రతినాయకునిగా నటిస్తున్నారు. కెరీర్ లో ఎక్కువగా సాఫ్ట్ రోల్స్ లో నటించిన శ్రీకాంత్ సెకండ్ ఇన్నింగ్స్ లో విలన్ గా ప్రూవ్ చేసుకునే ప్రయత్నం చేస్తుండటం గమనార్హం. థమన్ ఈ సినిమాకు సంగీతం అందిస్తుండగా మిర్యాల రవీందర్ రెడ్డి ఈ సినిమాకు నిర్మాతగా వ్యవహరిస్తున్నారు. సింహా, లెజెండ్ సినిమాల తర్వాత బాలయ్య, బోయపాటి శ్రీను కాంబినేషన్ లో సినిమా కావడంతో ఈ సినిమాపై భారీగా అంచనాలు పెరిగాయి.
బాలయ్య కెరీర్ లో మరో బ్లాక్ బస్టర్ హిట్ అవుతుందనే కామెంట్లు వినిపిస్తున్నాయి. బాలకృష్ణ స్టార్ డైరెక్టర్లకు, సక్సెస్ లో ఉన్న డైరెక్టర్లకు మాత్రమే అవకాశాలు ఇస్తుండటం గమనార్హం. బాలకృష్ణ గోపీచంద్ మలినేని కాంబినేషన్ లో త్వరలో ఒక సినిమా మొదలుకానుండగా భారీ బడ్జెట్ తో ఈ సినిమా తెరకెక్కనుండటం గమనార్హం.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
