‘పుష్ప 2’ సినిమా తర్వాత బన్నీ సినిమా ఎవరితో? చాలా రోజులుగా టాలీవుడ్‌ దీని గురించే చర్చ నడుస్తోంది. ఎందుకంటే ఈ కాంబినేషన్‌కు ఉన్న క్రేజ్‌ అలాంటిది. గతంలో ఈ కాంబినేషన్‌లో వచ్చిన సినిమాలు సాధించిన విజయాలు, ఇంపాక్ట్‌ అలాంటివి మరి. దీంతో అల్లు అర్జున్‌ – త్రివిక్రమ్ సినిమా ఎప్పుడు అని అడుగుతూనే ఉన్నారు. అయితే దీనికి సమాధానం ఇటీవల ఇన్‌డైరెక్ట్‌గా అల్లు అర్జున్‌ సన్నిహితుడు బన్నివాస్‌ చెప్పేశారు అని అంటున్నారు. ఆయన చెప్పిన గీతా ఆర్ట్స్‌ సినిమా అదే అంటున్నారు.
2024లో గీతా ఆర్ట్స్‌ పతాకంపై అల్లు అర్జున్‌తో ఓ సినిమా ఉంటుంది అని ఇటీవల బన్ని వాస్‌ ఓ ఇంటర్వ్యూలో చెప్పుకొచ్చారు. వివరాలేవీ చెప్పకపోయినా ఆయన చెప్పిన టైమ్‌, లెక్కల ప్రకారం అది త్రివిక్రమ్ సినిమానే అంటున్నారు. అల్లు అర్జున్‌ – త్రివిక్రమ్ ఇప్పటికే హ్యాట్రిక్‌ కొట్టారు. ఇప్పుడు సెకండ్‌ హ్యాట్రిక్‌ స్టార్ట్ చేసే ఆలోచనలో ఉన్నారట. గీతా ఆర్ట్స్‌, హారిక హాసిని కలిసి ఈ సినిమాను నిర్మిస్తాయట. అయితే ఈ సారి సినిమా పాన్‌ ఇండియా రేంజిలో ఉంటుంది అంటున్నారు.
బన్నీ (Allu Arjun) — త్రివిక్రమ్ కాంబినేషన్‌లో ఇప్పటివరకు ‘జులాయి’, ‘సన్నాఫ్‌ సత్యమూర్తి’, ‘అల వైకుంఠపురములో’ వచ్చాయి. మూడు మూడు రకాల విజయాలు. భారీ వసూళ్లు వచ్చాయి. ఆ స్థాయిలో, వీలైతే అంతకుమించి ఉండేలా మరో కథను సిద్ధం చేస్తున్నారట త్రివిక్రమ్. ఆ సినిమానే 2024లో అల్లు అర్జున్‌ – గీతా ఆర్ట్స్‌ చేయబోయే సినిమా అట. ‘పుష్ప 2’ అయిపోగానే పెద్దగా గ్యాప్‌ తీసుకుకోండా వెంటనే ఈ సినిమా స్టార్ట్ చేస్తారు అని అంటున్నారు.
‘పుష్ప 2’ అయిపోయే లోపు త్రివిక్రమ్ – మహేష్‌ సినిమా పూర్తి చేసుకుని సిద్ధంగా ఉంటారట. అయితే ఈ రెండు సినిమాలు అనుకున్న సమయానికి స్టార్ట్ అవ్వడం లేదు, ఇక పూర్తవ్వడం గురించి చెప్పలేం. అయితే ఏం జరిగినా ‘పుష్ప 2’ తర్వాత బన్ని – త్రివిక్రమ్ సినిమా అయితే ఫిక్స్ అని చెబుతున్నారు.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
Home