ఒక్క సినిమా ఫ్లాప్‌ దర్శకుడిలో ఎంత మార్పు తెస్తుంది? ఈ ప్రశ్నకు ఇప్పటికప్పుడు సమాధానం చెప్పాలంటే కొరటాల శివనే చెప్పాలి. గతంలో చాలామంది ఇలాంటి పరిస్థితి ఫేస్‌ చేసినా.. లేటెస్ట్‌ ఆయనే కాబట్టి ఆయనకే బాగా తెలుస్తుంది. వరుస విజయాలతో దూసుకుపోతున్న కొరటాల శివకు ‘ఆచార్య’ రూపంలో అతి పెద్ద స్పీడ్‌ బ్రేక్‌ ఎదురైంది. ఆ సినిమా ఫలితం దాటికి కొరటాల కాన్ఫిడెన్స్‌ పూర్తిగా దెబ్బతింది అంటున్నారు. దీంతో తారక్‌ సినిమా కూడా వాయిదా పడే అవకాశం ఉంది అని లేటెస్ట్‌ టాక్‌.
తారక్‌ సినిమాను జూన్‌లోనే ప్రారంభిస్తామని కొరటాల శివ ‘ఆచార్య’ ప్రచారంలో చెప్పారు కూడా. అయితే ‘ఆచార్య’ ఫలితం తర్వాత తారక్‌ సినిమా కథపై మరోసారి కూర్చోవాలని ఫిక్స్‌ అయ్యారట. ఈ విషయంలో కొరటాల లెక్క సరిగ్గా కుదరకే ‘ఆచార్య’ దెబ్బకొట్టాడు అని చెబుతున్నారు. ఈ నేపథ్యంలో సినిమా కథపై మరోసారి కూర్చుని పూర్తిస్థాయిలో కథను సిద్ధం చేస్తున్నారట. అలాగే ఎన్టీఆర్‌ చెప్పిన అంశాలను కూడా కథలో క్రోడీకరిస్తున్నారని చెబుతున్నారు.
ముందుగా చెప్పినట్లుగా తారక్‌ సినిమాను కొరటాల జూన్‌లో స్టార్ట్‌ చేయాలి. దీని కోసం తారక్‌ ఇంటి దగ్గరే ప్రత్యేక సెట్‌ కూడా వేశారు. అయితే సినిమా ఆలస్యం అవ్వడం, వర్షం కారణంగా సెట్‌ దెబ్బతిందట. మరోవైపు కథ విషయంలో కూడా కొరటాలకు కొన్ని డౌట్స్‌ ఉన్నాయని చెబుతున్నారు. ఈ నేపథ్యంలోనే తారక్‌ మరో ఆలోచన చేస్తున్నాడని అంటున్నారు. అన్నీ అనుకున్నట్లుగా సాగితే కొరటాల శివ సినిమా ఇంకొన్ని రోజుల గ్యాప్‌ తర్వాత వచ్చే అవకశం ఉంది.
కొరటాల సినమా బదులు బుచ్చిబాబు సానా సినిమాను తారక్‌ ముందుకు తీసుకొచ్చారని అంటున్నారు. సినిమా కథను బుచ్చిబాబు ఇప్పటికే ఎన్టీఆర్‌కు పాయింట్‌గా చెప్పారని టాక్‌. కథ నచ్చడంతో షూటింగ్‌లో పాల్గొనగడానికి సిద్ధంగా ఉన్నాడు. దీంతో కొరటాల సినిమాను కాస్త పక్కనపెట్టి బుచ్చిబాబు సానా సినిమా స్టార్ట్‌ చేశారని చెబుతున్నారు. తన గురువు సుకుమార్‌ను బుచ్చిబాబు కలసి ఎన్టీఆర్‌తో చేయబోయే సినిమా స్క్రిప్టును వినిపించి, తుది మెరుగులు నోట్‌ చేసుకున్నాడు అంటున్నారు. త్వరలో దీనికి సంబంధించిన పూర్తి వివరాలు వచ్చే అవకాశం ఉంది.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
