మూవీ ఆర్టిస్ట్‌ అసోసియేషన్‌ (మా)కు సొంత భవనం… ఈ ఏడాది ‘మా’ ఎన్నికల్లో కీలకాంశం. ఈ పాయింట్‌ మీదే ప్రధాన పోటీదారులు నిలబడబోతున్నారు. అయితే ఈ విషయంలో మంచు విష్ణు వేస్తున్న అడుగులు ఆసక్తికరంగా మారాయి. ఓ విధంగా ‘మా’ పెద్దల్ని లాక్‌ చేసేలా మారాయి. తాజాగా విష్ణు విడుదల చేసిన వీడియోనే దీనికి ఉదాహరణగా చెప్పొచ్చు. ‘మా’ భవనం కోసం మూడు స్థలాలు చూశాను. ‘మా’ పెద్దలు అందరూ కలసి కూర్చొని ఓకే చేయడమే అని చెప్పుకొచ్చాడు విష్ణు. ఇంతకీ విష్ణు ఏం చేద్దాం అనుకుంటున్నాడు.
‘మా’కు సొంత భవనం మామూలుగా అయితే పెద్ద విషయం కాదు. అయితే ఇక్కడ రెండు సమస్యలు ఉన్నాయి. ఒకటి స్థలం, రెండోది పేరు. ఇది మేం అంటున్న మాట కాదు. చాలా ఏళ్లు టాలీవుడ్‌ పరిశీలకులు అంటున్న మాట. ప్రస్తుతం ఛాంబర్‌కు దగ్గర్లో ‘మా’ భవనం ఉండాలని చాలామంది కోరుకుంటున్నారట. అయితే జూబ్లిహిల్స్‌, బంజారాహిల్స్‌ ‘మా’కు భవనం అంటే స్థలం చాలా ఖరీదు ఉంటుంది. ప్రభుత్వం అంత స్థలం ఇస్తుందా అనేది ఓ ప్రశ్న. ఇక రెండోది పేరు. ‘మా’ భవనం కడితే ఎవరి పేరు పెట్టాలి. ఇండస్ట్రీలో ఎవరు పేరు పెట్టినా మనోభావాలు దెబ్బతింటాయి. దీంతో భవనం ఆలస్యమవుతోందని టాక్‌.
ఇలా రెండు పెద్ద అడ్డంకులు ఉంటే అందులో ఒకటి ఫిక్స్‌ చేసేశా… స్థలం చూసేశా అంటున్నారు విష్ణు. అంతేకాదు ‘మా’ కుటుంబమంతా కలసి నిర్ణయం తీసుకుందాం అంటున్నాడు. మరి ఈ కుటుంబంలో ఎవరెవరు ఉన్నారు, ఎవరెవరు నిర్ణయిస్తారు అనేది చూడాలి. ఇదంతా చూస్తుంటే ఎన్నికలకు ముందు విష్ణు మొత్తం అందరినీ ఇరకాటంలో పడేసేలా ఉన్నాడు. ఒకవేళ ఎన్నికలకు ముందే స్థలం సిద్ధం… అందరూ దీనికే ఓటేశారు అంటూ విష్ణు ప్రకటిస్తే… మిగిలిన పోటీదారులు ఇరకాటంలో పడటం ఖాయం అంటున్నారు పరిశీలకులు.
View this post on Instagram
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home
