‘సిటడెల్‌’ వెబ్‌ సిరీస్‌ కోసం చాలామంది వెయిట్‌ చేస్తున్నారు. కొత్త విషయం చెప్పండి.. అందరికీ తెలిసిన విషయమే చెప్పొద్దు అని అంటారా? ఆ సినిమా రెండో ట్రైలర్‌ వచ్చే ముందు వరకు ఒక రకంగా వెయిట్‌ చేస్తుంటే.. కొత్త ట్రైలర్‌ తర్వాత వెయిటింగ్‌ చేసే ఆలోచనలో చిన్న మార్పు వచ్చింది. అదేంటి అనుకుంటున్నారా? కొత్త ట్రైలర్‌లో ప్రియాంక చోప్రా చేసిన కొన్ని బోల్డ్‌ సీన్స్‌. గ్లోబల్‌ స్టార్‌ అయ్యాక ప్రియాంకకు ఇలాంటివి కొత్త విషయం కాదు, ఆమె అభిమానులకు కూడా కాదు.
అయితే ఇక్కడో విషయం ఏంటంటే… నెక్స్ట్‌ అదే పాత్ర సమంత (Samantha) చేస్తోంది కాబట్టి. ఇంగ్లిష్‌ ‘సిటడెల్‌’ వెబ్‌ సిరీస్‌లో కీలక పాత్రలో ప్రియాంక చోప్రా చేస్తే.. అదే సిరీస్‌ మన దేశంలో తెరకెక్కిస్తుండగా అందులో సమంత నటిస్తోంది. ఇప్పటికే దీనికి సంబంధించిన షూటింగ్‌ కూడా మొదలైంది. ప్రియాంక నటించిన ఈ సిరీస్‌ తెలుగులోనూ రిలీజ్ చేస్తుంటే.. మళ్లీ సమంతతో కొత్తగా రీమేక్‌ చేయడం ఎందుకు అనే ప్రశ్న వస్తోంది అనుకోండి.
అయితే ఇక్కడ మరో ప్రశ్న.. ఇంగ్లిష్‌ వెర్షన్‌లో ప్రియాంక చేసిన బోల్డ్‌ సీన్స్‌ సమంత కూడా చేస్తుందా అని. సమంత అలాంటి సీన్స్‌ చేయకూడదు అని కాదు కానీ.. ఇక్కడ ఆమె ఇమేజ్‌, అక్కడ ప్రియాంక ఇమేజ్‌ ఒకేలా ఉండకపోవడమే కారణం. గతంలో సమంత ఇలాంటి సీన్స్‌ చేసినప్పుడు అభిమానులు, ప్రేక్షకులు సరిగ్గా రిసీవ్‌ చేసుకోలేదు. ఇప్పుడు మళ్లీ ‘సిటడెల్‌’లో అలాంటి సీన్స్‌ చేస్తే పరిస్థితి ఏంటి అనేది చూడాలి.
నెటిజన్ల ట్రోలింగ్ బారిన పడుతుందా? లేక అసలు అలాంటి సీన్స్‌ లేకుండా చేస్తారా? లేకపోతే కాస్త మోతాదు తగ్గించి చేస్తారా అనేది చూడాలి. అయితే యాక్షన్‌ సీన్స్‌ విషయంలో అక్కడా, ఇక్కడా ఏ మాత్రం తగ్గేదిలే అంటున్నారట. అంటే ప్రియాంకకు పోటాపోటీగా యాక్షన్‌ సీన్స్‌ ఉండేలా చూసుకుంటున్నారట. ఈ మేరకు ప్రాక్టీస్‌, రిహార్సిల్స్‌, షూట్స్‌లో సమంతకు చిన్నపాటి గాయాలు కూడా అవుతున్నాయట.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
