Jai Hanuman: స్క్రిప్ట్ లేదా.. స్టార్స్ ఒప్పుకోవడంలేదా..!

దర్శకుడు ప్రశాంత్ వర్మ (Prasanth Varma)  -హీరో తేజ సజ్జ (Teja Sajja) కాంబినేషన్లో రూపొందిన ‘హనుమాన్’ (HanuMan)  చిత్రం ఈ ఏడాది సంక్రాంతి కానుకగా రిలీజ్ అయ్యి ఎంత పెద్ద బ్లాక్ బస్టర్ అయ్యిందో అందరికీ తెలుసు. దీని ముందు పెద్ద సినిమాలు కూడా నిలబడలేకపోయాయి. హిందీలో కూడా ఘన విజయం సాధించిన ‘హనుమాన్’ చిత్రం మొత్తంగా రూ.350 కోట్ల వసూళ్లను కొల్లగొట్టింది. అయితే సినిమా క్లైమాక్స్ లో దీనికి సీక్వెల్ గా ‘జై హనుమాన్’ (Jai Hanuman) ఉంటుందని ప్రకటించిన సంగతి తెలిసిందే.

Jai Hanuman

2025 జనవరిలోనే ఆ సీక్వెల్ ను దింపనున్నట్లు ప్రకటించారు. కానీ 2024 సెప్టెంబర్ నెలలోకి అడుగుపెట్టినా… ఇంకా ఆ సినిమా సీక్వెల్ షూటింగ్ స్టార్ట్ అవ్వలేదు. దీనికి రకరకాల కారణాలు వినిపిస్తున్నాయి. దర్శకుడు ప్రశాంత్ వర్మ వద్ద ‘జై హనుమాన్’ స్క్రిప్ట్ లేదని.. అనౌన్స్మెంట్ నామమాత్రంగా ఇచ్చాడని కొందరు అంటున్నారు. మరికొంతమంది అయితే నిర్మాతలు ఈ సీక్వెల్ చేయడానికి ఇంట్రెస్ట్ చూపించడం లేదని..

ప్రశాంత్ వర్మ ఎక్కువ బడ్జెట్ చెబుతున్నట్టు చెబుతున్నారు. వీటిలో ఏది నిజమో తెలీదు. ఒక్కటైతే కన్ఫర్మ్. ‘జై హనుమాన్’ పై భారీ అంచనాలు ఏర్పడ్డాయి. దాన్ని కూడా పాన్ ఇండియా సినిమాగా భారీ లెవెల్లో రిలీజ్ చేయాల్సిన అవసరం ఉంది. అందుకోసం స్టార్స్ కావాలి. ముందుగా ఒక్క స్టార్ సైన్ చేసినా.. తర్వాత మిగిలిన వాళ్ళు కదులుతారు. ప్రశాంత్ వర్మ వెయిటింగ్ కూడా అందుకేనేమో అనిపిస్తుంది. చూడాలి మరి.. ఏమవుతుందో, ఈ ప్రాజెక్టు ఎప్పటికి సెట్ అవుతుందో..!

వామ్మో.. రిషబ్ శెట్టి నిర్మించిన సినిమాకు ఇలాంటి పరిస్థితి ఉందా?