పాన్‌ ఇండియా సినిమా.. అందులోనూ పాన్‌ ఇండియా హీరోలల్లో తొలి కథానాయకుడి సినిమా. దర్శకుడు ఏమన్నా తక్కువ వాడా అంటే.. బాలీవుడ్‌ చరిత్రలోనే మోస్ట్‌ హై అండ్‌ మాస్‌ మూవీ తీసి బ్లాక్‌ బస్టర్‌ కొట్టినవాడు. ఇలాంటి కాంబినేషన్‌లో సినిమా అంటే హీరోయిన్‌ ఆ రేంజిలోనే ఉంటుంది అని ఎక్స్‌పెక్ట్‌ చేస్తారు అందరు. అందుకు తగ్గట్టే చాలామంది పేర్లు వినిపించాయి కూడా. ఫైనల్‌గా ఓ పేరు ఓకే చేశారు. కట్‌ చేస్తే ఏదేదో లీకులతో ఆమెను తప్పించారు.
ఆ తర్వాత సెకండ్‌ హీరోయిన్‌ను మెయిన్‌ హీరోయిన్‌ని చేసేశారు. ఇదంతా చదివాక ఆ సినిమా పేరు ‘స్పిరిట్‌’ (Spirit) అని, ఆ హీరో ప్రభాస్‌(Prabhas) అని, ఆ దర్శకుడు సందీప్‌ రెడ్డి వంగా (Sandeep Reddy Vanga) అని, తొలగించబడిన హీరోయిన్‌ దీపికా పడుకొణె అని, సెకండ్‌ నుండి ఫస్ట్ అయిన హీరోయిన్‌ త్రిప్తి డిమ్రి (Tripti Dimri) అని ఎవరన్నా చెప్పేస్తారు. అయితే ప్రభాస్‌ స్థాయికి తగ్గ హీరోయిన్‌నే ఎంపిక చేశారా అంటే మాత్రం సమాధానం అంత ఈజీగా చెప్పలేరు. ఎందుకంటే ఆ హీరోయిన్‌కి ఇప్పుడు ఉన్న ఇమేజ్‌.
గతంలో చేసిన సినిమాలు. ఆ ఇమేజ్‌ ఇప్పుడు ప్రభాస్‌ సినిమా మీద ఎఫెక్ట్‌ చూపించదు కదా అనే చర్చ మొదలైంది. యాటిట్యూడ్‌, వర్క్‌ కల్చర్‌ నచ్చక దీపికా పడుకొణెను (Deepika Padukone) ‘స్పిరిట్‌’ సినిమా నుండి పక్కన పెట్టారు అని వార్తలొచ్చాయి. అదే యాటిట్యూడ్‌ నచ్చి, వర్క్‌ కల్చర్‌కి ఓకే చెప్పి అట్లీ (Atlee Kumar) – అల్లు అర్జున్ (Allu Arjun) సినిమాకు ఓకే చేశారు అని అంటున్నారు. ఆ విషయం వదిలేస్తే దీపిక పడుకొణె వద్దు అంటే ఇక బాలీవుడ్‌లో హీరోయిన్లే లేరా?
పోయి పోయి కొన్ని సీన్స్‌తో ఫేమస్‌ అయిన హీరోయిన్‌ను ఎలా హీరోయిన్‌గా పెట్టేస్తారు అనే ప్రశ్న మొదలైంది. దానికి తోడు ఆమె ఫేస్‌లో పెద్దగా ఎక్స్‌ప్రెషన్స్‌ పలకవు కూడానూ. ఇదంతా చూస్తుంటే దీపికను తీసేసి.. పంతానికి త్రిప్తి డిమ్రిని ఓకే చేశారు అనే మాట వినిపిస్తోంది. అయితే గత సినిమాలు అలాంటివి చేస్తే ఇప్పుడు పెద్ద హీరోతో చేయకూడదా అంటే.. గతంలో ఇలా చేసి విజయాలు సాధించిన వాళ్లు ఉన్నారు. కాబట్టి త్రిప్తి కూడా అలానే చేస్తుందేమో చూడాలి.
