Allu Arjun: బన్నీ- అట్లీ టైటిల్ ఏంటి?

ఇప్పట్లో ఒక సినిమా సెట్స్ పైకి వెళ్ళకముందే ఆ సినిమాలో నటించే నటీనటులు, కథాంశం, టైటిల్ వంటి వివరాలు ఇట్టే బయటకు వచ్చేస్తుంటాయి, సోషల్ మీడియాలో చక్కర్లు కొట్టేస్తుంటాయి. స్టార్ హీరోల సినిమాలకైతే ఈ ‘లీకేజీ’ బెడద ఇంకా ఎక్కువ.

Allu Arjun

కానీ మన ఐకాన్ స్టార్ అల్లు అర్జున్(Allu Arjun) – అట్లీ కాంబినేషన్‌లో రూపుదిద్దుకుంటున్న సినిమా విషయంలో మాత్రం ఇలాంటివి జరగకపోవడం విశేషంగానే చెప్పుకోవాలి. ఈ ప్రాజెక్ట్ గురించి ఇప్పటివరకు చిన్న హింట్ కూడా లీక్ అవ్వలేదు అంటే నమ్ముతారా?

మీరు నమ్మకపోయినా ఇది నిజమే..! కనీసం టైటిల్ కూడా బయటకి రాలేదు.బన్నీ- అట్లీ టైటిల్ ఏంటనేది ప్రస్తుతం టాలీవుడ్‌లో అతిపెద్ద సస్పెన్స్ గా మారింది.దర్శకుడు అట్లీ, హీరో బన్నీలకు తప్ప ఈ టైటిల్ గురించి పీ ఆర్ టీమ్ కి కూడా తెలీదట. బన్నీ పర్సనల్ పీఆర్ టీమ్ మిగిలిన విషయాల్లో చేసే హడావిడి.. ఈ సినిమా విషయంలో చేయడం లేదు అంటే అర్దం చేసుకోవచ్చు. ఎల్లుండి అంటే ఏప్రిల్ 8న అల్లు అర్జున్ పుట్టినరోజు.

కాబట్టి రేపు(ఏప్రిల్ 7న) ఉదయం 11 గంటలకి అల్లు అర్జున్- అట్లీ సినిమాకి సంబంధించి ఒక అప్డేట్ ఇస్తామని మేకర్స్ ప్రకటించడం జరిగింది.దానికి 10 నిమిషాల ముందు మాత్రమే తమ పీఆర్ టీమ్..కి షేర్ చేస్తారట బన్నీ-అట్లీ.ప్రస్తుతానికి ‘వైల్డ్ ఫైర్’ అనే టైటిల్ ప్రచారంలో ఉంది. కానీ అది ఒరిజినల్ టైటిల్ కాదు అనే టాక్ కూడా వినిపిస్తుంది. చూడాలి మరి ఎలాంటి టైటిల్ ఫిక్స్ చేశారో..!

బాడీ డబుల్స్ పై అడివి శేష్ రియాక్షన్