‘లైగర్‌’ సినిమా తర్వాత విజయ్‌ దేవరకొండ కాస్త గ్యాప్‌ తీసుకున్నాడు. ఆ సినిమాకు వచ్చిన హైప్‌, ఆ సినిమా ప్రచారంలో విజయ్‌ చేసిన ‘వాట్‌ లగా దేంగే’ హై చేటు చేశాయి అని చెప్పొచ్చు. ఆ తర్వాత విజయ్‌ ఆలోచన తీరులో కాస్త మార్పు వచ్చింది అంటున్నారు. ఆ విషయంలో ఇటీవల విజయ్‌ మాటల్లో కనిపించింది కూడా. ‘ఖుషి’ సినిమా ఫలితం విషయంలో ఇండస్ట్రీ వర్గాలదో మాట, ప్రొడక్షన్‌ హౌస్‌ది ఒక మాట ఉన్నా… మంచి విజయం అయితే అందుకున్నారు.
ఇప్పుడు ఆ ఫ్లోని కంటిన్యూ చేయడానికి విజయ్‌ ఏకంగా మూడు సినిమాలు లైన్‌లో పెట్టాడు. తనకు ‘గీత గోవిందం’ లాంటి బ్లాక్‌ బస్టర్‌ ఇచ్చిన పరశురామ్‌తో ఓ సినిమా చేస్తుండగా… ‘జెర్సీ’ లాంటి అదిరిపోయే సినిమా చేసిన గౌతమ్ తిన్ననూరితో ఓ సినిమా చేస్తున్నాడు. చిన్న సినిమాగా వచ్చి పెద్ద సినిమా అయిన ‘రాజా వారు రాణి గారు’ దర్శకుడు రవికిరణ్ కోలాతో ఓ సినిమా చేస్తున్నాడు. తొలి, మూడో సినిమాను దిల్‌ రాజే నిర్మిస్తున్నారు.
పరశురామ్‌ సినిమాకు ఇప్పటికే టైటిల్‌ దాదాపు ఫిక్స్ అయిపోగా… ఇప్పుడు రవికిరణ్ సినిమాకు పేరును ఫిక్స్ చేశారు అంటున్నారు. అన్నీ అనుకున్నట్లుగా జరిగితే.. ఈ సినిమాకు ‘యుద్ధం’ అనే టైటిల్‌ను పరిశీలిస్తున్నారట. 80వ దశకం నేపధ్యంలో మాఫియా యాక్షన్ నేపథ్యంలో ఈ సినిమా ఉండబోతుందట. గ్యాంగ్ స్టార్ బ్యాక్ డ్రాప్‌లో రూపొందనున్న ఈ సినిమాలో (Vijay) విజయ్‌ సరికొత్తగా ఉంటాడట.
త్వరలో ఈ సినిమాను అఫీషియల్‌గా ప్రకటిస్తారని సమాచారం. అలాగే ఈ సినిమాను పాన్‌ ఇండియా లెవల్‌లో రిలీజ్‌ చేస్తున్నారని కూడా అంటున్నారు. ఇండియన్‌ సినిమా ప్రేక్షకులు ఇటీవల మాఫియా, గ్యాంగ్‌స్టర్‌ నేపథ్య సినిమాలకు బాగా కనెక్ట్‌ అవుతున్నారు. భారీ విజయాలు, అతి భారీ వసూళ్లు వస్తున్నాయి ఆ సినిమాలకు. అందుకే విజయ్‌ ఇలాంటి సినిమాతో పాన్‌ ఇండియా హీరో అయ్యే ఆలోచనలో ఉన్నాడట. మరి ఎలా, ఏంటి అనేది చూడాలి.
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
