అప్పట్లో ఎన్టీఆర్, ఏయన్నార్, కృష్ణ లు నటించిన సినిమాలు రీ-రిలీజ్ అవుతూ ఉండేవి. వేరే సినిమాలు రిలీజ్ కి రెడీగా లేనప్పుడు వాళ్ళు నటించిన సినిమాలను రీ-రిలీజ్ చేసేవాళ్ళు. ఆ తర్వాత చిరంజీవి సినిమాలకు ఆ ఘనత దక్కింది. ఇక ఈమధ్యకాలంలో వారానికి కనీసం రెండుమూడు తెలుగు సినిమాలు విడుదలవుతుండడంతో రీ-రిలీజ్ అనే మాట విని చాలా రోజులైంది. అలాంటి తరుణంలో.. ఈమధ్యకాలంలో బ్లాక్ బస్టర్ హిట్ కొట్టడమే కాక నిర్మాతలకు, డిస్ట్రిబ్యూటర్స్ కు లాభాలు తెచ్చిపెట్టిన “ఇస్మార్ట్ శంకర్”ను విడుదల చేసేందుకు నిర్మాత ఛార్మీ సన్నాహాలు చేస్తోంది. వచ్చే వారం (అక్టోబర్ 2) చిరంజీవి మెగా మూవీ “సైరా నరసింహా రెడ్డి” విడుదలకు సిద్ధమవుతుండడంతో ఈ శుక్రవారం చెప్పుకోదగ్గ సినిమాలేమీ విడుదలవ్వడం లేదు.
ఈ గ్యాప్ ను గమనించిన ఛార్మీ & గ్యాంగ్ “ఇస్మార్ట్ శంకర్”ను విడుదల చేసేందుకు సన్నాహాలు చేస్తున్నారు. 1వ తారీఖు వరకూ “ఇస్మార్ట్ శంకర్” చిత్రాన్ని థియేటర్లో ఆడించేందుకు ప్లానింగ్ జరిగింది. ఎలాగూ వేరే సినిమాలేమీ లేవు కాబట్టి మాస్ ఆడియన్స్ ఈ చిత్రాన్ని రెండోసారి చూడడానికి వెనుకాడరు కాబట్టి ఈ రీ-రిలీజ్ కూడా సూపర్ హిట్ అవ్వడం ఖాయం.
గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
గ్యాంగ్ లీడర్ సినిమా రివ్యూ కోసం ఇక్కడ క్లిక్ చెయ్యండి
Home
