యాక్సిడెంట్ అయ్యింది రవితేజకు కాదు

‘రవితేజకీ యాక్సిడెంట్ అయ్యిందట, రవితేజకి తీవ్రమైన గాయాలయ్యాయట, సినిమా షెడ్యూల్ కి బ్రేక్ కూడా ఇచ్చారట’ అంటూ గత రెండుమూడు రోజులుగా ఆన్ లైన్ లో వస్తున్న కథనాలను అందరూ చూసే ఉంటారు. నిన్న సాయంత్రం దర్శకుడు కళ్యాణ్ కృష్ణ స్వయంగా తన ట్విట్టర్ ఎకౌంట్ ద్వారా వివరాలు వెల్లడించేవారకూ ఈ హడావుడికి తెరపడలేదు. అయితే.. కళ్యాణ్ కృష్ణ “రవితేజకి యాక్సిడెంట్ అయ్యింది అని వస్తున్న వార్తల్లో నిజం లేదు, ఆయన పూర్తి ఆరోగ్యంతో సంతోషంగా ఉన్నారు” అని ట్వీట్ చేశారు.

ఇంతకీ అసలు జరిగిన విషయం ఏంటంటే.. “నేల టికెట్” షూటింగ్ టైమ్ లో యాక్సిడెంట్ జరిగిన విషయం నిజమే. కానీ యాక్సిడెంట్ జరిగింది రవితేజకు కాదు, ఆ సినిమాలో కథానాయికగా నటిస్తున్న మాళవికశర్మకు. ఒక సన్నివేశం కోసం పరిగెత్తే సన్నివేశంలో కిందపడడంతో అమ్మడికి దెబ్బలు కాస్త గట్టిగానే తగిలాయట. అందుకే షూటింగ్ కి బ్రేక్ ఇచ్చారట. అయితే ఈ విషయం బయటకి వెళ్ళేసరికి “రవితేజకీ యాక్సిడెంట్ అయ్యింది” అని రూపాంతరం చెందింది. సో, ఇప్పుడు క్లారిటీ వచ్చేసరికి రవితేజ అభిమానులందరూ.. రవితేజకి యాక్సిడెంట్ అనే వార్తలు రాసిన వెబ్ సైట్స్ మరియు యూట్యూబ్ ఛాన్స్ మీద మండిపడుతున్నారు.