Rocking Rakesh: వార్నింగ్ ఇచ్చిన జబర్దస్త్ రాకేష్.. ఏమైందంటే..?

బుల్లితెర కామెడీ షోలలో ఒకటైన జబర్దస్త్ షో ద్వారా గుర్తింపును సంపాదించుకుని ఆర్థికంగా స్థిరపడిన కమెడియన్లు చాలామందే ఉన్నారు. దాదాపు ఎనిమిది సంవత్సరాల నుంచి బుల్లితెరపై ఈ షో ప్రసారమవుతూ ఉండటం గమనార్హం. అయితే ఈ షో పేరును ఉపయోగించుకుని కొంతమంది మోసాలకు పాల్పడుతున్నారు. జబర్దస్త్ ద్వారా గుర్తింపును సంపాదించుకున్న కమెడియన్లలో రాకింగ్ రాకేష్ ఒకరు. మొదట్లో చిన్న పిల్లలతో కలిసి స్కిట్లు చేసిన రాకింగ్ రాకేష్ కరోనా విజృంభణ తరువాత రోహిణితో కలిసి ఎక్కువగా స్కిట్లు చేస్తున్నారు.

అసభ్యతకు తావు లేకుండా స్కిట్లు చేయడం రాకింగ్ రాకేష్ ప్రత్యేకత. అయితే తాజాగా రాకేష్ ఒక వీడియో ద్వారా జబర్దస్త్ పేరుతో మోసాలు చేస్తున్నారని జాగ్రత్తగా ఉండాలని సూచిస్తున్నారు. పిల్లల తల్లిదండ్రులు ఆశపడి తమ పిల్లలకు జబర్దస్త్ షో అవకాశం వస్తుందని మోసగాళ్ల మాటలు నమ్మి మోసపోవద్దని చెబుతున్నారు. మీకు జబర్దస్త్ షోలో అవకాశం కావాలని అనుకుంటే మీ అవకాశాలను మీరే వెతుక్కోవాలని జబర్దస్త్ షోలో అవకాశాలు ఇచ్చేవాళ్లు డబ్బులు వసూలు చేయరనే విషయాన్ని గుర్తుంచుకోవాలని రాకేష్ అన్నారు.

రాకేష్ తన సొంత యూట్యూబ్ ఛానల్ అయిన చంటబ్బాయ్ లో ఈ వీడియోను పోస్ట్ చేయగా ఈ వీడియో నెట్టింట తెగ వైరల్ అవుతుండటం గమనార్హం. తన పేరుతో కొందరు మోసాలకు పాల్పడుతుండటంతో రాకింగ్ రాకేష్ ఈ వీడియోను యూట్యూబ్ ఛానల్ లో పోస్ట్ చేశారని తెలుస్తోంది. ఈ మధ్య కాలంలో జబర్దస్త్ పేరుతో ఎక్కువ సంఖ్యలో మోసాలు జరుగుతుండటంతో రాకింగ్ రాకేష్ తన వీడియో ద్వారా జబర్దస్త్ షోలో ఛాన్స్ కోసం ప్రయత్నించే వారిని అప్రమత్తం చేశారు.

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!