‘బిగ్ బాస్3’ గురించి జాఫర్ సంచలన వ్యాఖ్యలు.. ట్రోలింగ్ షురూ..!

జాఫర్ ఈ పేరు తెలీని వారంటూ ఉండరు. సెలబ్రిటీలను ఇంటర్వ్యూ చేస్తూ.. వారికి చిర్రెత్తుకు వచ్చే ప్రశ్నలు వేయడం.. ఇక అది చూస్తున్న ప్రేక్షకులకి కూడా అదే ఫీలింగ్ రప్పించడం ఈయనకి బాగా అలవాటు. అయితే ఎవ్వరూ ఊహించని విధంగా ఈయన ‘బిగ్ బాస్3’ లో కంటెస్టెంట్ గా పాల్గొన్నాడు. హౌస్ లో రెండు వారాలు ఉంది ఎలిమినేట్ అయ్యాడు. ఇక హౌస్ లో ఈయన బాబా భాస్కర్ తో స్నేహంగా ఉంటూ చేసిన కామెడీ ప్రేక్షకులని ఆకట్టుకుందనే చెప్పాలి. ఇక ఎలిమినేట్ అయ్యాక నాగార్జున దగ్గర.. హౌస్ గురించి అలాగే ‘బిగ్ బాస్’ గురించి పాజిటివ్ గా మాట్లాడిన జాఫర్ ఇప్పుడు మాత్రం మాట మార్చేస్తున్నాడు.

జాఫర్ ఓ ఇంటర్వ్యూలో ‘బిగ్ బాస్’ గురించి మాట్లాడుతూ.. ” ‘బిగ్ బాస్’ గురించి మాట్లాడటం అనవసరం. అందుకే నేను ఎలిమినేట్ అయ్యాక ఎటువంటి ఇంటర్వ్యూలు ఇవ్వలేదు. పక్కింట్లో సంగతులు తెలుసుకోవడం మనకి ఇంట్రెస్ట్.. అదే ‘బిగ్ బాస్’ వాళ్ళు క్యాష్ చేసుకుంటున్నారు” అంటూ చెప్పుకొచ్చాడు. అయితే ఈయన మాత్రం బాబా భాస్కర్ ను ఇంటర్వ్యూ చేసాడు. సరిగ్గా ఈ విషయం పైనే నెటిజన్లు ఈయన పై ఫైర్ అవుతున్నారు. ‘జాఫర్.. ఏం మాట్లాడుతున్నావా అర్థమవుతుందా.. నువ్వు బాబా భాస్కర్ ను ఇంటర్వ్యూ చేసి ‘బిగ్ బాస్’ గురించి మాట్లాడితే తప్పు లేదు.. మిగిలిన వాళ్ళు మాట్లాడితే తప్పా..? నువ్వింకా మారలేదు’ అంటూ కామెంట్లు చేస్తున్నారు.

తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!