దివంగత ముఖ్యమంత్రి వై.ఎస్.రాజశేఖర్ రెడ్డి జీవిత కథతో రూపొందిన ‘యాత్ర’ చిత్రం సూపర్ హిట్ అయిన సంగతి తెలిసిందే. వై.ఎస్.రాజశేఖర్ రెడ్డి పాత్రలో మలయాళం స్టార్ హీరో మమ్ముట్టి ఎంతో అద్భుతంగా నటించి.. చిత్ర విజయంలో కీలక పాత్ర పోషించారు. ఇక ఆ చిత్రం కొనసాగింపుగా ‘యాత్ర2’ కూడా రాబోతున్నట్టు దర్శకుడు మహి.వి.రాఘవ్ ఎప్పుడో ప్రకటించారు. అయితే ఆ చిత్రం ఇంకా స్టార్ట్ అవ్వకపోవడం.. అలాగే మహి కూడా ఓ మల్టీ స్టారర్ చిత్రాన్ని రూపొందించడానికి రెడీ అవుతుండడంతో..
ఈ ప్రాజెక్టు ఉండదు అని అంతా అనుకున్నారు. కానీ అందుతోన్న సమాచారం ప్రకారం.. కచ్చితంగా ‘యాత్ర2’ ఉండబోతుందని తెలుస్తుంది. కాగా ఈ సీక్వెల్ లో వై.ఎస్.జగన్ పాత్ర పోషించడానికి ఓ కోలీవుడ్ స్టార్ హీరోతో సంప్రదింపులు కూడా జరిపారట నిర్మాతలు. ఆ కోలీవుడ్ స్టార్ హీరో మరెవరో కాదు కార్తీ. అవును .. కార్తీ అయితేనే ఈ పాత్రకు కరెక్ట్ గా సరిపోతాడని చిత్ర యూనిట్ సభ్యులు భావించారట. పైగా అతనైతే కచ్చితంగా సినిమాకి హైప్ కూడా పెరుగుతుందని వారు భావిస్తున్నట్టు టాక్.
కార్తీ చిత్రాలకు తెలుగులో కూడా మంచి మార్కెట్ ఉంది. 2019 లో వచ్చిన ‘ఖైదీ’ చిత్రం సూపర్ హిట్ గా నిలిచిన సంగతి తెలిసిందే. నటన పరంగా కూడా కార్తీ.. వై.ఎస్.జగన్ పాత్రకు పూర్తి న్యాయం చేసే అవకాశం నూటికి నూరు శాతం ఉంది. అయితే దీనికి సంబంధించిన అధికారిక ప్రకటన రావాల్సి ఉంది.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
Home