ప్రముఖ దర్శకుడు బోయపాటి శ్రీను డైరెక్షన్ లో బాలకృష్ణ అఖండ సినిమాలో నటిస్తున్న సంగతి తెలిసిందే. ఈ సినిమాలో బాలకృష్ణకు విలన్ గా శ్రీకాంత్ నటిస్తుండగా జగపతి బాబు కీలక పాత్రలో నటిస్తున్నారు. అఖండ సినిమాలో బాలకృష్ణ కొంత సమయం అఘోరా పాత్రలో కనిపించనుండగా ఇప్పటికే ఆ పాత్రకు సంబంధించిన లుక్ రివీల్ అయింది. ఈ సినిమాలో జగపతిబాబు కూడా అఘోరా పాత్రలో కనిపించనున్నారు. బాలయ్యకు మార్గదర్శకుడిగా జగపతి బాబు కనిపిస్తారని సమాచారం.
బాలయ్య మరో పాత్రలో ఫ్యాక్షనిస్ట్ గా కనిపించనుండగా బాలయ్యకు జోడీగా ప్రగ్యా జైస్వాల్, పూర్ణ నటిస్తున్నారు. బాలకృష్ణ అఘోరా పాత్రలో నటిస్తున్నా ఆయన పాత్రలో నెగిటివ్ షేడ్స్ ఉండవని సమాచారం. ప్రస్తుతం తమిళనాడులో అఖండ క్లైమాక్స్ ఫైట్ షూటింగ్ జరుగుతోంది. మ్యూజిక్ డైరెక్టర్ థమన్ ఈ సినిమాకు సంగీతం అందిస్తున్నారు. ఈ మధ్య కాలంలో సరైన బ్లాక్ బస్టర్ హిట్ లేని బాలకృష్ణ ఈ సినిమాతో భారీ బ్లాక్ బస్టర్ హిట్ ను సొంతం చేసుకుంటారని ఫ్యాన్స్ భావిస్తున్నారు.
కరోనా సెకండ్ వేవ్ నేపథ్యంలో ఈ సినిమా వాయిదా పడగా త్వరలో రిలీజ్ డేట్ కు సంబంధించి క్లారిటీ రానుంది. ద్వారకా క్రియేషన్స్ బ్యానర్ పై మిర్యాల రవీందర్ రెడ్డి ఈ సినిమాను నిర్మిస్తున్నారు. కరోనా సెకండ్ వేవ్ వల్ల ఈ సినిమా వాయిదా పడగా త్వరలో రిలీజ్ డేట్ కు సంబంధించిన ప్రకటన వెలువడనుంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
