Janhvi Kapoor: అప్పుడేమో అందమా.. ఇప్పుడు ఎక్స్‌పోజింగా.. ఏమైందయ్యా మీకు

అమె దురదృష్టమో లేక.. ప్రేక్షకుల ఆలోచన అంతేనో అనేది తెలియదు కానీ.. జాన్వీ కపూర్‌ తెలుగు ప్రేక్షకులకు ఒక విధంగా మాత్రమే తెలుసు. ఇప్పటివరకు జాన్వీ రెండు తెలుగు సినిమాలు చేసింది. రెండుకి రెండు అగ్రహీరోలతోనే. భారీ బడ్జెట్‌, భారీ కాన్వాస్‌తో తెరకెక్కిన సినిమాలే. ఒక సినిమా రూ.600 కోట్లకుపైగా వసూళ్లు అందుకుని.. రెండో పార్టుకి దారి చూపించి ఆ తర్వాత ఆ ఊసెత్తని ఎన్టీఆర్‌ ‘దేవర’ కాగా.. రెండోది ఈ రోజు విడుదలైన రామ్‌చరణ్‌ ‘పెద్ది’.

Janhvi Kapoor

ఈ రెండు సినిమాల్లో జాన్వీ కపూర్‌ పాత్ర పల్లెటూరు అమ్మాయే. రెండు సినిమాల్లోనూ ఆమె స్వభావం గడసరి కుర్రదే. ఊళ్లోనే ఉన్నా అందాల ఆరబోత విషయంలో ఎక్కడా వెనకడుగు వేయని బోxల్డ్‌ పాత్రనే. ‘దేవర’ సినిమాలో తంగంగా జాన్వీ కపూర్‌ అందాల ఆరబోత చూసి ‘హమ్మయ్య బాలీవుడ్‌ సినిమాల్లో, ఇన్‌స్టాగ్రామ్‌లో జాన్వీని చూసి.. అందాన్ని వర్చువల్‌గా ఆస్వాదించిన మనకు ఎట్టకేలకు మన సినిమాల్లో చూసే అవకాశం దక్కింది’ అని మన కుర్రకారు ఖుషీ అయిపోయారు.

అవసరం లేని సీన్లలో కూడా స్కిన్‌ షో, పాటల్లో పైట జారుడు ఇలా చాలానే ఉంటాయి ‘దేవర’ సినిమాలో. అప్పుడు ఊసెత్తని ఆమె ఫ్యాన్స్‌ (ఆ పేరుతో) ఇప్పుడు ‘పెద్ది’ సినిమాలో ఆమె అందాల ఆరబోత గురించి తెగ మాట్లాడేస్తున్నారు. దాంతో అప్పుడు అందంగా కనిపించిన జాన్వీ.. ఇప్పుడు ఆరబోసిందా అనే రిప్లైలు సోషల్‌ మీడియాలో కనిపిస్తున్నాయి. ఇక్కడో పాయింట్‌ ఏంటంటే ఆమె ఇప్పటివరకు చేసిన సినిమాల్లో కనిపించని లక్షణమైన కట్టుబొట్టు ‘పెద్ది’ సినిమా సెకండాఫ్‌లో ఉంటుంది.

ద్వితియార్ధంలో జాన్వీని అంత లక్షణంగా చూసి ‘శ్రీదేవి మళ్లీ వచ్చిందిగా’ అంటూ ముచ్చటపడిన అభిమానులు కూడా ఉన్నారు. అంతలా అందంగా చూపించారు దర్శకుడు బుచ్చిబాబు సానా, సినిమాటోగ్రాఫర్‌ రత్నవేలు. అందంగా చూపించడం ఏంటి? అమె ఎప్పుడూ అందగత్తె. ఇప్పుడు ఆమెను ఆమె అమ్మలా చూపించారు అనాలి. యాక్టింగ్‌కి అవకాశం రాలేదు కానీ.. ఇస్తే అదరగొడతా అని ఇప్పటికే వివిధ హిందీ సినిమాలతో చెప్పుకొచ్చింది.

 ఫలితం.. వసూళ్లు పక్కన పెట్టేయండి.. ‘పెద్ది’కి నేషనల్‌ అవార్డు పక్కా!