Jayasudha, Vishnu Manchu: మంచు విష్ణు పై జయసుధ సెటైర్లు..చాలా అసహ్యమంటూ… !

సీనియర్‌ స్టార్ హీరోయిన్, సహజనటిగా పేరొందిన జయసుధ.. ఇటీవల ఓ ఇంటర్వ్యూలో పాల్గొని చేసిన కామెంట్లు పెద్ద ఎత్తున వైరల్ అవుతున్నాయి. ఇటీవల ఆమె ఇండస్ట్రీలో అడుగుపెట్టి 50 సంవత్సరాలు పూర్తి చేసుకున్న నేపథ్యంలో ఆమె ఓ ఇంటర్వ్యూలో పాల్గొన్నారు. ఇందులో భాగంగా ఆమె చాలా విషయాల పై స్పందించారు. అందులో మూవీ ఆర్టిస్ట్ అసోసియేషన్(మా) గురించి అలాగే దాని బిల్డింగ్ గురించి కూడా కొన్ని సెన్సేషనల్ కామెంట్స్ చేశారు.

ఇందులో భాగంగా ఆమె మంచు విష్ణు పై చేసిన కామెంట్స్ అయితే హాట్ టాపిక్ గా నిలిచాయి. ఆమె మాట్లాడుతూ.. ” మంచు విష్ణు మా అధ్యక్షుడిగా బాధ్యతలు స్వీకరించి 10 నెలలు పూర్తి కావొస్తోంది. అయినప్పటికీ అతను ఇచ్చిన హామీలు ఏవీ నెరవేర్చలేదు. ఈ మధ్య ఒక మీటింగ్ అయితే పెట్టారు గానీ దాంట్లో మా భవనం గురించి ఏం మాట్లాడలేదు. మా ఎన్నికల గొడవలు చాలా అసహ్యంగా ఉన్నాయి. ఆ టైంలో అవి భరించలేక నెల రోజుల పాటు అమెరికా వెళ్లి, ఉండి వచ్చాను.

మా భవనం పూర్తి కావడానికి ఇంకో 25 సంవత్సరాలు పట్టినా ఆశ్చర్యపోనవసరం లేదు.మురళీమోహన్ అధ్యక్షుడిగా ఉన్నప్పటి నుండి… అందరూ మాటలు చెప్పేవారే కానీ పనులు మాత్రం చేయడం లేదు. అసలు ఎందుకు భవనం పని పూర్తి చేయడం లేదో అర్థం కాని పరిస్థితి. ” అంటూ ఆమె మంచు విష్ణు ప్యానల్ కు చురకలు అంటించారు. మరి ఆమె కామెంట్లపై మంచు విష్ణు ఎలా స్పందిస్తారో చూడాలి.

ఒకానొక సందర్భంలో మంచు విష్ణు మా బిల్డింగ్ కోసం స్థలం చూడటానికి వెళ్లినట్టు కూడా ఓ వీడియో రిలీజ్ చేశాడు.’భవనాన్ని నేనే నా సొంత డబ్బులతో నిర్మిస్తా’ అని కూడా ఓ వీడియో రిలీజ్ చేశాడు. ఇదంతా ఎలక్షన్స్ ముందు. ఎలక్షన్స్ తర్వాత అయితే అతను నిజంగానే మా భవనం గురించి పట్టించుకోవడం లేదు అని స్పష్టమవుతుంది.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?