పెళ్ళికొడుకు కాబోతున్న జేడీ చక్రవర్తి..!

ప్రముఖ నటుడు దర్శకుడు జే‌డి చక్రవర్తి త్వరలో పెళ్లి పీటలు ఎక్కనున్నాడు. 1989 లో రామ్ గోపాల్ వర్మ తెరకెక్కించిన శివ చిత్రం ద్వారా టాలీవుడ్ లో ఎంట్రీ ఇచ్చిన జే‌డి.. తన తల్లి కోరిక మేరకు పెళ్లి చేసుకోనున్నాడు. ఢిల్లీ కి చెందిన ఓ వ్యాపార వేత్త కుమార్తెతో జే‌డి వివాహం జరగనున్నట్లు సమాచారం. వర్మ చిత్రం ద్వారా టాలీవుడ్ లోనే కాక బాలీవుడ్ లో కూడా ఎంట్రీ ఇచ్చిన జే‌డి ఎక్కువగా వర్మ తెరకెక్కించిన చిత్రాల్లోనే నటించాడు.

అంతేకాకుండా ఆయన పలు తెలుగు, హిందీ చిత్రాలకు కూడా దర్శకత్వం వహించాడు. పెళ్లికి వ్యతిరేకమని తానెప్పుడూ చెప్పలేదని.. ఎప్పుడు జరగవలసింది అప్పుడే జరుగుతుందని చెప్పుకొచ్చాడు జే‌డి. కాగా జే‌డి వయసు ప్రస్తుతం 46 సంవత్సరాలు కాగా.. ఈ ఏడాదే జే‌డి వివాహం చేసుకునే అవకాశాలు ఉన్నాయి.